PR Ho Espoza No Funsionariu Palasiu Simu Vasina AstraZeneca

DILI, STLNEWS.co – Prezidente Republika (PR), Francisco Guterres Lú Olo hamutuk ho espoza no funsionariu palasiu simu ona vasina AstraZeneca.

Liu husi diskursu Xefe Estadu dehan, oras nee mundu tomak sofre hela Covid-19 no ema tokon mate ona.

“Hau hakarak fo hatene ba ita hotu katak mundo tomak sofre hela moras aat ida Covid-19, hanesan ita hotu hatene nee afeta liu ema tokon atus liu, tokon tolu mak mate ona, TL país ida neebe la ses husi moras aat ida nee hahu kedas, atu nunee estadu hola medidas oinsa atu halo prevensaun ba moras nee diak liu ba ita nia povu,” hatete PR Lú Olo liu husi diskursu, bainhira atu simu vasina iha Palasiu Prezidensia Nicolau Lobato, Bairru Pite, Dili, Tersa (25/05/2021).

Aman ba nasaun nee dehan medidas estadu halo hodi halo prevensaun mak halo estadu emerjensia (EE). Governu sempre halo para nunee hodi bele prevene moras nee labele daet ba populasaun sira, nee esforsu tomak neebe governu halo no obrigasaun estadu nian tenke hola duni desizaun sira nee.

“Maibe kualker forma resposta lolos ba situasaun ida nee la iha aimoruk ida kura, maibe hanesan medidas prevensaun atu ita kumpre deit medidas serka sanitaria neebe fo sai ba malu, no liu liu atu vasina mak presizamente mosu iha situasaun ida neebe ita Timor Leste hetan, portantu nee kontaminasaun komunitariu, hau hanesan mehi kona ona moras aat nee kona tutan ona ba ita nia komunidade, mak ita foin hetan vasina ida nee ba kontra moras nee,” katak PR Lú Olo.

Xefe Estadu hatutan, fofoun vasina AstraZeneca too mai husi ministeriu relevante mos haruka PR atu simu uluk, maibe PR hatan presiza fo uluk ba frontline. PR koopera ho estadu tomak atu halo prevensaun pessoalmente ba PR nia saude no hanesan mos saude ba familia no komunidade, tanba PR kontaktu ho ema barak

“Ohin hau mai hamutuk hodi simu vasina nee hau husu ba komunidade sira hotu no populasaun sira tomak, ita nia vasina agora prontu iha no hotu hotu prontu bele dispõem nia aan para ba iha sentru sira neebe mak fo vasina hotu, simu vasina para nunee bele livre atu halo serbisu partikular ruma,” katak aman ba nasaun nee.

Nunee mos, Vise Koordenadora Forsa Tarefas Prevensaun no Mitigasaun Covid-19, Odete da Silva Viegas hatoo agradese ba oportunidade neebe husi Gabinete Prezidente, neebe organiza atu ekipa saude bele mai fo vasina ba funsionariu sira iha Gabinete Prezidente.

“Ondra boot ba ami mak Prezidente disponível atu bele hetan mos vasina ba ohin loron. Tuir informasaun neebe Gabinete PR sira fo funsionariu neebe atu tuir vasina ohin por volta 200 ital pessoas, ami agradese liu tan se ema mai barak atu bele partisipa iha vasina nee diak liu tan. Tanba ita boot sira hatene katak vasina mak meius ida atu ita bele proteje ita nia aan, familia, komunidade, no kolega sira husi infeksaun moras Covid-19 nee rasik,” katak nia .*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: