DILI, STLNEWS.co – Organizasaun Psychosocial recovery and Development in East Timor (PRADET) hahu husi fulan Janeiru too Junhu tinan 2022, sira re-entrega ema ho moras mental iha dalan ibun kuaze nain neen (6), neebe sira re-entrega ba familia para halo tratamentu saude.
Kestaun nee hatoo husi Koordenador Programa Asistensia Moras Mental, iha Organizasaun PRADET, Nicolau Vicente Ximenes ba jornalista sira iha nia knaar fatin Manleu, Dili, Kinta nee (21/07/2022).
“Normalmente kliente sira iha dalan ninin neebe ami seidauk identifika familia, entaun seidauk lori ba uma, sira kontinua nafatin hela iha dalan ninin, no mos ami fo asistensia komunikasaun ativu loron-loron, fo hahan ba sira inklui nesesidade baziku, hanesan rupa no sinelus, nee mak ami fo ba sira,” nia informa.
Nia katak, sira fila ba uma no hetan tratamentu saude, tanba nee susar atu lori sira ba familia, tanba seidauk hetan nia familia.
Iha fatin seluk, Justino da Costa nudar familia dehan, nudar familia tristi tebes, tanba atu lori nia ba uma mos lakohi, tanba moras mental, maibe agradese ba PRADET, tanba sira ajuda hodi fo haris no lori ba hospital hodi hetan tratamentu.
(jen)
