Presiza Halo Sosializasaun Ba Moras Kankru Susun No Serviks

DILI, STLNEWS.co – Espoza Prezidente Republika Cidalia Moujinho Nobre Guterres Lopes hatete, presiza halo sosializasaun nafatin ba moras kankru susun nomos serviks.

Cidalia hato’o kestaun ne’e bainhira halao Abertura Sosializasaun Prevensaun ba moras Kankru Susun, Serviks no Nutrisaun Saudavel iha Salaun Rede Feto, Tersa nee (28/09/2021).

Nia hatete, nuudar feto nia mos preokupa, liu – liu moras ne’ebé mak afeta ba feto no labarik sira nia moris, tanba ne’e mak importante liu kontinua halo sosializasaun ba sosiedade nia leet.

“Ohin ita koalia konaba kankru susun, entau ida ne’e ita preokupa tebes, oinsa ita bele halo sosializasaun nafatin ba ita nia komunidade sira, liu – liu inan feto sira, oinsa bele hatene diak liu tan ba nia membru sira iha familia laran,” katak nia.

Nia afirma, programa konaba kankru susun ne’e sai mos programa GAAC nia, no servisu hamutuk ho Fundasaun Alola hodi halo sosializasaun husi Munisipiu no nasional.

Nia hatutan, moras kankru susun no moras kankru serviks, moras rua ne’ebé mak kona liu ba feto sira, tanba ne’e mak husu ba feto sira, karik hasoru moras ne’e bele ba halo mos konsulta lalais hodi prevene.

Iha biban ne’e, Prezidente Rede Feto Zelia Fernandes mos hato’o agradese no bemvindo ba espoza PR, ne’ebé mak husik tempu hamutuk ho Rede Feto, hodi halo sosializasaun ba moras kankru susun.

Nia mos husu partisipante sira katak, bainhira rona ona informasaun keta haluha fahe tutan mos ba familia sira seluk, nunee bele prevene an lais husi moras ne’e.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...