DILI, STLNEWS.co – Tuir Diretora Fundasaun Alola, Maria Imaculada informa, presiza The Internasional Code of the Marketing of Breastmilk Substitutes (BMS Code) hodi regula susubeen formula no hahan sira seluk.
“Benefisiu Timor Leste (TL) bainhira adopta BMS Code hodi garante ita nia bebe sira livre husi promosaun susubeen formula no ninia produtu sira seluk, laos deit susubeen formula, maibe inklui mos supeta bibiron no hahan seluk. Ho ida nee bele atinji diak liu ita nia taxa eskluzivu fo susu ba bebe no inan nia susubeen ba bebe husi 0 too fulan 6, nunee bele susesu liu tan, signifika bebe hotu-hotu ita bele garantia katak, kuaze bebe hotu-hotu bele hetan nia susubeen eskluzivu,” tenik nia ba jornalista iha BJ Habibie, Sabadu nee (06/08/2022).
Nia hatutan, agora daudaun mak seidauk iha kodigu nee, entaun kompanhia ka loja sira livre hela halo promosaun, entaun bainhira kodigu nee iha bele regula ona promosaun susubeen formula sira, ho produtu sira, atu labele atrai inan sira no ema neebe mak tau matan ba bebe sira.
Kontinua ba pajina 2
