Presiza Lei Kontrola Produtu Importadu

DILI, STLNEWS.co – Timor Leste nuudar nasaun konsumedor presiza tebes baze legal no politika neebe diak, atu kontrola produtu alimentar neebe tama mai merkadu nasional, tanba produtu prosesadu barak la saudavel.

Liafuan nee haktuir husi Xefe Departamentu Moras Lahada’et, Frederico Bosco Alves dos Santos ba jornalista sira iha nia knaar fatin, Tersa nee (12/10/2021).

Nia dehan, parte saude halo esforsu fo edukasaun ba komunidade konaba ambitu alimentar neebe saudavel no nutriente, atu konsensializa komunidade pratika dieta saudavel.

“Ita nia situasaun rai laran hahan sira mai husi rai liur no hahan sira ne’e mak disponivel ho presu ne’ebe baratu, entau obriga ita atu sosa. Ita hakarak konsumu produtu lokal, maibe dala barak la sufisiente no presu karun, hakarak lakohi ita labele asesu ba produtu sira ne’ebe saúdavel,” nia hateten.

Nia esplika, produtu alimentar sira neebe disponivel iha merkadu maioria la saudavel, tanba kontamina, masin, midar barak, neebe bele provoka moras cardiovascular hanesan kankru, stroke, hipertensaun, diabetes no atakasaun fuan.

Iha parte seluk, Mediku Cardiologista iha Hospital Nasional Guido Valadares (HNGV) Herculano Seixas do Santos informa, tinan lima ikus nee numeru pasiente moras fuan aumenta makaas ho problema fuan neebe la hanesan.

“Ospital nasional nuudar top referal ou sentru exelente ba atendimentu moras fuan iha rai laran, entaun primeiru ita halo diagnosa ba pasiente ho patologia cardiovascular ho problema atakasaun fuan, insufisiente cardiaka no seluk tan, ita estabelese sira nia kondisaun,” nia esplika.

Nia hatutan, sira neebe rekere tratamentu ai-moruk ita halo iha nee, maibe sira neebe rekere intervensaun espesial hanesan operasaun, tau kadeli iha fuan, ita haruka ba Singapura no Malazia, depois fila mai ita kontinua iha nee.*

Reportajen: Jeniche da Costa

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...