Prevene Moras Malaria, Munisipiu Baucau Mantein Vizilansia

BAUCAU, STLNEWS.co – Departementu Malaria Munisipiu Baucau mantein vizilansia ba prevensaun moras malaria. Informasaun nee hatoo husi Xefe Departementu Malaria Munisipiu Baucau, Agostinho Guterres ba jornalista sira liu husi telefone, Tersa (11/05/2021).

“Ami lao mantein deit ninian vizilansia nee, agora dadaun kazu nee laiha, mantein zero. Tanba husi tinan 2016 ita tama tiha ona eliminasaun nian no ita mantein deit iha vizilansia nian ou fokus ba vizilansia deit ba area afetadus sira, area risku sira,” dehan nia.

Agostinho hateten, ba komunidade hotu neebe mak iha ba area risku sira hanesan Postu Vemasse, Baguia, Suku Larisula. Area sira neebe mak besik tasi ibun no natar kada fulan tolu sempre ba hasai raan, hodi nunee bele konfirma katak sira nia servisu nee infetadu ba moras malaria ou lae.

Tuir tarjetu departementu malaria Munisipiu Baucau nain, ba ema lima nulu (50) kada sentru Saude ida ba area risku neebe tau ona iha planu.

“Hanesan Vemasse ita tau lima nulu nee ba fulan tolu, ba Baguia hanesan Larisula nee rua nulu resin lima deit ba sira hanesan Venilale, sira laos area risku sira nee ita tau rua nulu resin lima, sira ba buka sira neebe mak mai husi area risku sira atu ba hasai raan, depois hasai raan la fo aimoruk ida nee depende fali ba kuandu laiha malaria mantein baibain prevensaun sira seluk,” nia tenik.

Xefe Departementu nee hateten, wainhira ekipa sira tuun terrenu mak deskobre iha moras malaria sei halo prevensaun hanesan fahe moskiteiro no rega aimoruk, tanba malaria mos hanesan surto ida se enkuanto laiha moras ruma sei mantein vizilansia normal.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: