Professores 962 Tuir Ona Vasina

DILI, STLNEWS.co – Dadaun nee total professores iha Munisipiu Dili hamutuk 962 simu ona vasina, hodi bele hasae sira nia imunidade.

Tuir Diretor Edukasaun Munisipiu Dili, Duarte Braganca afirma, husu ba professor no estudantes tenke kumpri nafatin regras neebe mak dadaun nee lao, oinsa mak professor neebe seidauk vasina, sira bele tuir vasina no estudantes ho idade 18 ba leten bele tuir vasina.

“Ita tenke kuidadu an, tanba ita nian professor sira barak mak simu ona vasina, agora ita identifika fali estudante sira nee, tanba estudante sira nee balun iha sira nian bairo nee simu ona vasina, agora dadaun ami identifika hela sira. Hau hanoin husi total ita nian professor, neebe mak 3.153, husi numeru nee, 962, purtantu nee iha ona 30% mak simu ona vasina ida nee, nee ita nian professor husi Munisipiu Dili ninia, hahu husi pre eskolar too iha nivel sekundariu, neebe purvolta 962, nee tama ona 30 %,” dehan Duarte ba STL liu husi telefone, Tersa (06/07/2021).

Nia dehan, tanba parte husi edukasaun mos identifika hela, no husi eskola rasik kontinua halo identifikasaun ba ninia estudante sira, liu-liu sira neebe mak simu ona vasina, liu-liu estudantes neebe mak tama iha 18 ba leten, nudar edukasaun Munisipiu Dili husu ba estudantes no professor sira tenke kumpri nafatin regras neebe mak iha ona.

Iha parte seluk, Adjuntu Diretor Eskola Sekundariu Nobel da Paz,Agostinho Pinto dehan, sira nia professores maioria tuir ona vasina, tanba tuir vasina mak bele tama sala hanorin estudante sira, depois estudante sira presiza tuir vasina.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: