SAMES Rekolla Oksijéniu Reforsa Izolamentu Vera Cruz No Lahane

DILI, STLNEWS.co – Iha loron Sabadu no Domingu semana kotuk nee Servisu Autonomu Medikamentu no Ekipamentu Saúde (SAMES) tenke rekolla fali oksijéniu disponivel haat nulu (40) gravas husi Hospital Referal Maubesi, Munisipiu Ainaro no armajen regional Baucau nian hodi reforsa atendimentu iha sala izolamentu Vera Cruz no Lahane, tanba numeru pasiente presiza oksijéniu aumenta, maibe oksijéniu disponivel iha armajen sentral laiha.

Kestaun nee haktuir husi Diretora Executiva Servisu Autonomu Medikamentu no Ekipamentu Saude (SAMES), Santana Martins hatete ba jornalista sira iha edifisiu SAMES, Tersa (07/09/2021).

“Ami iha difikuldade atu rekolla gravas ou silidru sira lalais hodi halo re-fill ou ense fila fali, maibe konaba produsaun kompana informa disponivel hela, tanba nee kolega sira esforsu makaas halo movimentu 24 oras halo rekollamentu ba silindrus iha munsipiu atu bele ense fila fali,” dehan nia.

Nia dehan, utilizasaun oksijéniu iha fatin izolamentu Vera Cruz no Lahane iha fulan Agostu too fulan Setembru nee aumenta makaas kuaze loron ida 120 too 180 gravas, tanba numeru kazu ho kategoria grave no kritiku aumenta makaas.

Iha fatin seluk Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo dehan, numeru kazu infesaun foun aumenta makaas no ema presiza hospitalizasaun mos aumenta.

“Iha loron 7 fulan Setembru tinan 2021, Izolamentu Vera Cruz, Lahane, HNGV no fatin seluk iha teritoriu laran tomak halo tratamentu hospitalizadu ba kazu detetadu positivu nain 96,” hakotu nia.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: