DILI, STLNEWS.co – Servisu Apoiu Sosiedade Sivil no Auditoriu Sosial (SASCAS) servisu hamutuk ho Cruz Vermelha Timor Leste (CVTL), halo doasaun raan ba Hospital Nasional Guido Valadares (HNGV).
Diretor Ezekutivu SASCAS, Edvind Soares Noronha informa, SASCAS halao nia aniversariu ba daruak nian iha loron 17 ida nee, ho atividade halo doasaun raan.
“Entaun ohin nee atividade ida ami halo doasaun raan, maibe ami mos halo parseiru ho CVTL, entaun iha programa ida mos ba CVTL halo kolesaun ba raan durante fulan 6 nia laran. CVTL ho SASCAS oferese ona raan hamutuk 400 pakote,” dehan nia ba jornalista iha HNGV, Tersa (14/11/2023).
Nia dehan, raan neebe mak iha hospital hahu menus, tanba pasiente barak husi loron ba loron.
Kontinua ba pajina 2
Nia afirma, funsionariu SASCAS ohin halo doasaun raan hamutuk 38, neebe ohin nee obrigatoriu, hotu-hotu fo doasaun raan, maibe tenki liu mos husi ezame da saude, neebe saude diak bele halo doasaun raan, karik saude la diak entaun labele obriga.
Iha fatin hanesan, Xefi Departmentu Banku de Sangue HNGV, Claudio informa, atividade ida ohin nee SASCAS halo doasaun raan.
“Atividade doasaun raan nee ohin husi SASCAS nomos husi estudante Universidade Nasional Timor Lorosae balun, neebe ohin sira fo raan bele suporta mos ba iha stok out raan neebe mak agora daudaun stok out iha Banku de Sangue,” katak nia.
Nia dehan, atividade ohin bele apoiu ba pasiente balun neebe mak presiza.
(nat)
