Saude Prezidente Republika Rekupera Ona

DILI, STLNEWS.co – Prezidente Republika (PR), Francisco Guterres Lú Olo antes nee la halo vizita ba munisipiu rua Same no Ainaro, tanba moras, maibe dadaun nee saude PR rekupera ona.

Kestaun nee hato’o husi Xefe Caza Sivil Prezidensia Republika, Francisco Maria de Vasconcelos ba jornalista sira, iha Palasiu Prezidente Bairo Pite, Segunda (23/08/2021).

“Prezidente Repúblika, Francisco Guterres Lú Olo rekupera tiha ona, tanba nee mak ohin reuniaun liu husi zoom nee mediku sira mak rekomenda, nee pratika normal iha fatin hotu – hotu evita kontaminasaun ba Prezidente,” dehan Xefe Casa Sivil.

Xefe Casa Sivil hatete, Segunda halo enkontru ho konsellu rua hanesan Konsellu Estadu no Konsellu Superior Defeza no Seguransa para evita kontaminasaun atu labele prejudika liu tan lori perigu ba Xefe Estadu, maibe Xefe Estadu rekupera ona.

Antes nee mos Xefe Casa Sivil, hato’o ba jornalista iha Munisipiu Manufahi katak, Prezidente Republika hakarak vizita munisipiu rua Same no Ainaro, maibe tanba mediku sira mak rekomenda katak Prezidente presiza deskansa, tanba nee mak PR labele halo vizita, maibe tempu seluk sei ba vizita povu husi munisipiu rua.

Iha fatin seluk, Diretor Asosiasaun Hak, Xisto dos Santos, husu forsa natureza no povu, atu reza tulun nunee Xefe Estadu bele saude diak nafatin.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Hasoru Malu Ho Rhee In-Yong

DILI, STLNEWS.co - Prezidente Republika (PR), José Ramos Horta, halao enkontru ho Rhee In-Yong. Iha inkontru nee koalia konaba projetu responsabilidade sosial korporativa iha Timor...

MMT Introdus Planu MLC Ba Stakeholder

LIKISA, STLNEWS.co - Mary MacKillop Today (MMT) halao enkontru ho parte interesada (stakeholders) husi parte governu nia reprezenta, Rui da Costa Belo, Visi Prezidente...

Presiza Kuda Unidade Domin Maromak

UATULARI, STLNEWS.co - Joven mak futuru nasaun nian, tanba nee presiza kria pas no unidade Maromak nian iha sosiedade leet. Kestaun nee hatoo husi, Madre...