SEJD Lansa Programa Car Free Zone Hodi Kontribui Saude

Governu liu husi Sekretariu Estadu Juventude no Desportu (SEJD), inisitiva lansa programa Car Free Zone hodi kontribui ba saude. (Photo: STL News/Maria Tavares)

DILI, STLNEWS.co – Governu liu husi Sekretariu Estadu Juventude no Desportu (SEJD), inisitiva lansa programa Car Free Zone hodi kontribui ba saude.

Kestaun nee hato’o husi Sekretariu Estadu Juventude no Desportu, Abrão Saldanha ba jornalista sira hafoin halo lansamentu primeiru ba programa Car Free Zone iha Largo Lecidere, Dili, Sesta (28/08/2020).

Nia dehan oinsa atu lori ezersisiu fiziku atividade desportu nee, hanesan kultura para bele halo moris saudavel no divertidu i bele redus polisaun.

“Ita iha problema boot agora dadaun, ita nia rain infrenta mak inatividade fizika ema la book aan nia problema ba saude, mak boot la halimar tinan ba tinan ema mate mundialmente 3.2 milhões populasaun tanba deit atividade infizika.” dehan Sekretariu Estadu.

Nia hatete lorloron maluk sira mate tanba hipertensaun, mate tanba diabetiku atakasaun, entaun oinsa lori fila fali atividade fiziku nee sai kultura ida iha ita nia sosiedade ida nee, para kontribui ba saude nia produtividade no diverte ita nia aan.

Nia relata programa Ida nee foin lansa Sekretariu Estadu hanoin atu lori ida nee ba nivel governu hotu, atu nunee bele sai kultura ida maiz ou menus fulan ida dala ida iha zona ruma iha Dili laran nee, livre la iha kareta no motor fatin neebe mak ema atu halo ezersisiu fiziku, hodi nunee ema atu diverte no halo ezersisiu fiziku.

Nia mos hatete hahu husi sidade neebe mak agrupamentu populasaun boot, depois nunee bele ba nivel munisipiu hahu ho eskola.

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here