Semana Oin Sei Hamamuk Izolamentu Vera Cruz

DILI, STLNEW.co — Relasiona ho númeru kazu pozitivu Covid-19 iha Dili zero (0), no númeru pasiente iha Izolamentu Vera Cruz no Lahane menus. Dirijente Klínika Hospital Nasionál Guido Valadares (HNGV) foti desizaun, iha semana oin mai sei hamamuk Izolamentu Vera-Cruz no pasiente ne’ebé iha sei transfere ba Lahane.

Liafuan nee haktuir husi Diretor Klínika HNGV, Marcelino Vicente Correia ba jornalista sira iha nia knaar fatin Kuarta nee (13/10/2021).

“Ita hotu akompana, ita nia pasiente iha Izolamentu Vera-Cruz menus ona, dadauk nee ita iha pasiente nain lima (5) mak halo tratamentu iha Vera-Cruz, maibe sira nia kondisaun normal, nunee mos iha Lahane ita iha pasiente nain haat (4) neebe ita hakarak akumula pasiente nain sia (9) nee iha fatin ida deit, iha Lahane, Vera Cruz ita hamamuk,” dehan Marcelino.

Nia esplika, muda pasiente ba iha fatin ida ho objetivu hodi hamenus pesoal saude sira, tanba durante nee pasiente iha fatin rua, ita fahe pesoal saude la sufisiente atu kobra fatin rua refere.

Iha fatin seluk, Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo dehan, pasiente iha Lahane iha nain rua (2) mak ho kondisaun uza ventilador no nain rua (2) ho situasaun moderadu.

“Numeru kazu detetadu foun loron tolu iha Dili hahu menus, durante loron tolu numeru pasiente rekuperadu nafatin,” nia afirma.*

Reportajen: Jeniche da Costa

Edito: Dominga Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...