Semana Rua Tan Vasina AstraZeneca 76.800 Husi UNICEF Too TL

DILI, STLNEWS.co – Reprezentante United Nations Children’s Emergency Fund (UNICEF) iha Timor Leste, Bilal Durrani hatete, semana rua tan vasina doses hamutuk 76.800 neebe apoiu husi UNICEF sei too Timor Leste.

Kestaun nee reprezentante UNICEF iha Timor Leste, Bilal Durrani hatoo wainhira hasoru malu Primeiru Ministru (PM) Taur Matan Ruak iha rezidensia Xefe Governu Farol, Dili, Tersa (18/05/2021).

“Ohin iha enkontru nee hau kolia ona ba Primeiru Ministru, katak iha semana rua mai tan vasina ho tipu AstraZeneca neebe apoiu husi UNICEFE hamutuk doses 76.800 sei too Timor Leste,” dehan Bilal.

Nia dehan, iha enkontru ho Xefe Governu nee husu para Timor Leste prepara ona fatin hodi rai vasina ho tipu AstraZeneca nee antes too mai Timor Leste.

Tanba nee antes vasina nee too mai Timor Leste, governu tenke prepara uluk fatin hodi prezerva vasina nee, tanba vasina nee presiza tau iha fatin neebe malirin.

Bilal hatutan vasina neebe UNICEF apoiu mai Timor Leste, laos implementa deit ba komunidade sira iha nivel nasional, maibe sei kobre hotu teritoriu laran hanesan sentru saude iha munisipiu sira, nunee komunide bele hakbesik ba hodi simu vasina nee.

Planu neebe UNICEF iha tinan nee atu apoiu vasina mai Timor Leste hamutuk doses 527.200, maibe iha semana rua mai vasina doses hamutuk 76.800 sei too uluk.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: