DILI, STLNEWS.co – Durante fulan Maiu ho Junhu sentru matan iha Hospital Nasional Guido Valadares (HNGV) rejistu pasiente neebe mai halo konsulta matan hamutuk 2.412.
“Dadus matan iha fulan Maiu pasiente 1.337 no Junhu iha 1,075. Total pasiente husi fulan rua nee hamutuk 2.412,” dehan Xefi Unidade Oftamolojia iha HNGV, Virgilio da Costa Pinto ba jornalista iha HNGV, Kuarta (26/07/2023).
Nia dehan, pasiente foun iha fulan Maiu 536 no ba Junhu iha 4.44 pasiente.
Pasiente sira neebe mak mai kontrola iha fulan Maiu nee iha 766, no ba fulan Junhu nian iha 616. Pasiente sira nee mai kontrola loron-loron, husi numeru nee iha mane nain 6.66 no feto 670, no fulan Junhu nee mane 501 no feto 574.
“Pasiente neebe mai ho katarata nee iha fulan Maiu nain 86, nomos ba fulan Junhu nain 88, depois sira mai ho peterejium iha fulan Maiu nee nain 9, depois ba fulan Junhu nain 7, neebe pasiente sira mai ho katarata nee sira mai ami halo operasaun ba sira nia matan,” tenik nia.
Nia haktuir, pasiente sira neebe mak mai ho katarata nee sira idade avansadu, 60 ba leten, pasiente sira katarata nee nia kondisaun diak, tanba pasiente barak kontenti kuaze tinan 10 la haree maibe halo tiha operasaun sira bele haree fila-fila.
(nat)
