DILI, STLNEWS.co – Sentru onkolojia neebe mak estabelese iha Hospital Nasional Guido Valadade (HNGV) halo tratamentu ba pasiente ho moras kankru sira neebe mak halo ona tratamentu iha rai liur, bele halo kemoterapia iha HNGV.
Lia hirak nee hatoo husi Xefi Unidade Oncologia iha HNGV, Joao Teodoso Amaral ba jornalista sira iha HNGV Bidau, Kuarta (02/08/2023).
Nia dehan, iha fulan hirak liu ba inaugurasaun estabelese Unidade Oncologia. Unidade foun neebe harii iha HNGV, hanesan unidade neebe harii ho ninia objetivu prinsipal mak oinsa tratamentu ba pasiente sira neebe ho sofre moras kankru.
Nia haktuir, estabelese fatin infraestrutura unidade, lori ekipa ba tuir treinamentu iha Jakarta. Ekipa nee kompostu husi farmasista nain 3, infermeira nain 3, no sira foka liu iha area oncologia oinsa halo atendimentu ba pasiente sira neebe sofre moras kankru i aumesmu tempu farmasista sira oinsa atu aprende kahur aimoruk ba kemo terapia, ida nee akontese iha fulan Fevereiru no Marsu.
Nia dehan, agora daudaun funsionamentu unidade depois inaugura ka estabelese fatin. Agora daudaun halao hela atendimentu kemoterapia, atendimentu durante nee halo iha iha OPD, depois estabelese fatin nee, muda fali OPD mai iha nee, neebe atende pasiente sira ho tumor, liu-liu ba iha kankru.
(nat)
