Sentru Saude Venilale Atende Deit Kazu Emerjensia

BAUCAU, STLNEWS.co – Durante semana rua nia laran Sentru Saude Venilale atende deit kazu emerjensia no ba inan sira neebe mak atu partus, tanba pesoal saude nain sanulu (10) afetadu pozitivu Covid-19.

Responsavel Saude Materna, Flavia Manuela Octavia Jose Ximenes, hanesan mos reprezentante Xefe Interinu Sentru Saude Venilale hato’o kestaun nee ba STL iha nia knaar fatin Postu Saude Venilale, Sesta nee (10/09/2021).

Nia hatete, iha loron hirak liu ba, halo teste swab ba pesoal saude sira neebe halo knaar iha Sentru Saude Venilale nain sanulu (10) afetadu pozitivu ba Covid-19, nunee pesoal saude sira menus labele halo atendimentu ba pasiente sira.

Sentru Saude Venilale durante iha semana rua nia laran, sei implementa estrelasaun hodi nafatin halao knaar hanesan baibain, maibe atende deit mak kazu emerjensia no inan isin rua neebe mak presiza atu partus.

“Vasina rutina ba labarik sira nee ami seidauk bele atende, konsulta inan isin rua no mos atendimentu hanesan baibain seidauk bele atende, ami haree liu ba kazu emerjensia deit,” dehan Flavia.

Nia hatutan, dadaun nee seidauk bele halo atendimentu ba komunidade em jeral, neebe mak hanesan halo konsulta rutina baibain mos seidauk bele halo atendimentu, tanba durante semana rua nia laran hakarak halo estrelasaun hodi rega sala pasiente sira nian, doutor no infremeiru inklui parteira sira, depois liu semana rua mak foin loke hikas atendimentu ba publiku.

Aleinde nee mos nia konta husi loron 1 fulan Setembru tinan 2021 to’o ohin loron pesoal saude sira Sentru Saude Venilale fo partus ba inan isin rua hamutuk nain rua, husi partus nee bebe nain rua ho inan nain rua hotu – hotu kondisaun diak.

Total pesoal saude iha Postu Administrativu Venilale, Munisipiu Baucau hamutuk haat nulu resin, husi total haat nulu resik, nain sanulu iha loron 8 fulan Setembru tinan 2021 infetadu ba pozitivu Covid-19, dadaun nee pesoal saude nain sanulu izola hela iha nia rezidensia rasik.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: