Setembru: Sidadaun Laisorulai Desima Mate Nain 5 & Quelicai 52

DILI, STLNEWS.co – Iha fulan Setembru sidadaun iha Suku Laisorulai neebe mak pertense iha Postu Administrativu Quelicai, Munisipiu Baucau mate nain lima (5) no total husi postu nee hamutuk ema lima nulu resin rua (52) mak mate ona.

Kestaun nee hato’o husi Xefe Suku Laisorulai Desima Cipriano Cabral ba STL, Liu husi telefone Domingu nee (19/09/2021) hatete, iha semana rua nia laran, ninia sidadaun nain neen (6) mak mate, nain ida (1) husi Suku Lelalai no nain lima (5) husi Suku Laisorulai Desima.

“Ohin dader husi postu ho postu ami halo konfirmasaun ona lista nee, ami hatama ona ba Postu Administrativu no tuir informasaun neebe mak Prezidente Administrativu Quelicai fo sai, postu nee hamutuk ema lima nulu resin rua (52) mak mate iha semana rua nia laran fulan Setembru,” katak Xefe Suku.

Nia hatutan, lista husi postu hatudu katak, sidadaun nain lima nulu resin rua (52) mak mate iha fulan Setembru nia laran, iha Suku Laisorulai Desima nian nain lima (5) mak mate ona.

Autoridade lokal nee hatutan, haree ba kazu ema mate tutuir malu, atu halo prevensaun liu husi vasina nee, Ministeriu Saude mak bele foti desizaun.

“Ema mate hanesan nee, tuir Ministeriu Saude nia haree nee impaktu husi saida, nee so ema saude mak bele hatene, ami Xefe Suku nee pasa informasaun deit, maibe foti desizaun nee saude mak bele foti,” katak nia.

Cipriano hatutan, komunidade nain lima (5) neebe mak hakotu vida nee seidauk vasina, no nain ida (1) labarik minoridade, nain haat (4) idozu, idade neen nulu (60) ba leten.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...