Sidadaun Hamutuk 359.800 Simu Ona Vasina

DILI, STLNEWS.co – Vise Primeira Ministra, Armanda Berta dos Santos no Ministra Saude, Odete Maria Freitas Belo aprezenta ba Konsellu Ministru kona ba pontu situasaun implementasaun kampania vasinasaun iha Timor Leste.

Ministru Prezidensia Konsellu Ministru (MPKM), Fidelis Leite Magalhães katak Vise Primeira Ministra no Ministra aprezenta ona ba Konselu Ministru kona ba planu vasinasaun iha Timor Leste.

“Too loron 6 fulan Jullu simu ona vasina ho totál 359.800 doze, iha neebe 243.949 maka fo ona,” dehan Ministru Fidelis hafoin remata enkontru Konsellu Ministru iha Palasiu Governu, Kuarta (07/07/2021).

Aleinde nee apoiu vasina neebe durante nee too ona Timor Leste liu husi mekanizmu COVAX nian too ona 124.800 doze vasina AstraZaneca, neebe oferese husi Australia mai tan 135.000 vasina AstraZaneca no liu husi doasaun Xina nian mai tan 100.000 doze vasina Sinovac.

Husi total 243.949 doze neebe fo iha nivel nasional, 224.155 maka vasina ho AstraZaneca no 19.797 husi vasina Sinovac.

Iha nivel nasional ema hamutuk 217.677 (28,7%) maka simu ona doze dahuluk no 26.272 (3,5%) maka kompleta ona vasinasaun, iha Munisipiu Dili fo ona vasina doze dahuluk kontra COVID-19 ba ema hamutuk 115.737 (54,1%) no ema hamutuk 14.418 maka simu ona doze rua (6,74%).*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: