Situasaun Covid-19, HNGV Kama Mamuk Barak

DILI, STLNEWS.co – Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional Guido Valadares (HNGV), tanba nee kama mamuk barak liu. Kestaun nee hatoo husi Diretor Klinika Hospital Nasional Guido Valadares (HNGV) Flavio Brandão ba jornalista sira iha nia knaar fatin HNGV, Segunda (17/05/2021).

“Hau fiar katak ema sei hakarak mai konsulta sira nia moras, maibe iha faktor balun neebe impede ema husi foho mai halo tratamentu iha HNGV tanba situasaun Covid-19, no laiha transporte atu mai halo tratamentu, ida nee mos kontribui pasiente sira barak la mai halo tratamentu iha HNGV, tanba nee kama barak mak kuaze mamuk,” hatete Flavio.

Nia husu hospita referal sira iha munisipiu atu performa halo didiak para pasiente sira iha neeba tenke halo tratamentu iha hospital referal sira, tanba ho situasaun Covid-19 ema barak la mai halo tratamentu iha nasional.

Nia esplika, iha sala emerjensia Hospital Nasional Guido Valadares nee lor-loron pasiente nia numeru nee makas, maibe atu baixa iha laran mak laiha, maibe numeru neebe atu baixa iha laran mak numeru nee redus.

Nia Informa, maibe situasaun serka sanitaria nee la impede hospital referal sira labele lori paisente mai HNGV, sira mai nafatin, maibe impaktu nee ema neebe moras sira nee la diretamentu mai halo tratamentu iha HNGV, tanba transporte laiha, ida nee mak halo kama sira nee komesa mamuk .

Entretantu familia pasiente Armindo Maya Silva dehan, sira labele halo tratamentu saude ona, tanba osan laiha atu hola hahan hodi augenta halo tratamentu saude, tanba nee nia deside sai atu ba munisipiu.

“Hau deside lori sai hau nian aman, tanba hau osan laiha atu hola hahan hodi augenta hau nia aman halo tratamentu saude, tanba situasaun Covid-19 nee halo hau lakon servisu, laiha osan atu sustenta hau ho hau nia aman,” nia afirma.

Tanba nee husu ba governu karik bele hapara tiha serka sanitaria nee, atu nunee servisu bele loke fali, labele estende tan serka snitaria, nee fo impaktu boot ba ema neebe atu halo tratamentu saude no mos servsiu.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: