SMEJD Baucau Prepara Tangki Bee Fase Liman

BAUCAU, STLNEWS.co – Servisu Munisipal Edukasaun Juventude no Desportu (SMEJD) Baucau, prepara profile ka tangki hodi fasilita estudante sira wainhira partisipa abertura matrikula neebe realiza iha Segunda semana oin.

Informasaun nee hatoo husi Diretor Servisu Munisipal Edukasaun Juventude no Desportu, Felix Ximenes ba jornalista sira iha nia knaar fatin, Sesta (21/05/2021).

Felix hatete, estebelese profile refere atu atende estudantes sira mai partisipa serimonia matrikula durante semana ida, tanba dadaun nee Munisipiu Baucau iha hela estadu emerjensia no serka sanitaria.

Nia hateten, profile refere hetan apoiu provizoria husi programa nasional dezenvolvimentu suku, bazeia ba orientasaun husi Prezidente Autoridade Munisipiu (PAM) Baucau ho karakter impresta durante semana ida hodi atende estudantes sira.

“Profile nee tuir ita nia planu, Segunda feira atu simu halo abertura matrikula ba estudante neebe atu asesu bolsa hakbi’it nian, entaun ita hakarak kumpre nafatin protokulu Organisazaun Mundial Saude nian, liu liu kandidatu sira mai uza maskra, sira mos kontinua distansiamentu sosial, fase liman bebeik ho sabaun, entaun orseik ami halo pedidu ba PAM Baucau atu fornese profile ida mai hodi organiza ba aktividade ba Segunda feira nian, maibe PAM Baucau servisu hamutuk ho PNDS, Diresaun PNDS mak apoia ami mais hanesan impresta deit,” dehan nia.

Felix hatutan, fasilidade tanki bee nee fo bazeia pedidu servisu edukasaun munisipiu inklui fasilidade seluk hanesan hand sanitizer no maskra, maibe pedidu nee foin hetan resposta profile ida, enkuantu hand sanitizer no maskra seidauk iha resposta husi autoridade munisipiu.*

Reportagen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...
%d bloggers like this: