DILI, STLNEWS.co – Sentru Saude Internamentu Vera Cruz (SSIVC) menus aimoruk Folic Acid 5 mg ba inan isin rua.
Lia hirak nee hatoo husi Xefi Sentru Saude Vera Cruz, Marilia Piedade katak, aimoruk ba Sentru Saude Internamentu Vera Cruz agora daudaun sufisiente hela atu responde ba iha nesesidade pasiente sira nian.
“Maibe ita stok out aimoruk item ida ka rua mak laiha, liu- liu Folic Acid 5 mili gram laiha, maibe iha 1 mili gram atu responde ba inan isin rua sira neebe mak mai ho primeiru trismestre,” tenik nia ba STL iha nia knaar fatin Vera Cruz, Sabadu nee (04/11/2023).
Nia dehan, aleinde nee teste laboratoriu agora daudaun iha, maibe iha fulan kotuk nee laiha tabung teknik complete Blood Cout (CBC), maibe halo esforsu hodi hetan duni.
“Entaun agora daudaun bele responde ba nesesidade pasiente neebe mak iha, no tuir indikasaun husi ita nia mediku sira indika mai, CBC nee agora daudaun iha hela atu responde ba indikasaun neebe mak husi mediku sira,” katak nia.
(nat)
