DILI, STLNEWS.co – Servisu Saude Munisipiu Dili (SSMD) rejistu moras kulit iha Fulan Agostu nee aas, moras nee afeta liu ba labarik feto no mane.
“Ami rejistu moras kulit iha fulan Agostu, ho kategoria moras kulit sira seluk nee mos numeru aas, mane iha 799 no feto 1.038, neebe total hamutuk 1.837,” lia hirak nee hatoo husi Diretora Servisu Saude Munisipiu Dili, Agustinha Segurado ba jornalista iha Bairu Formoza, Kuarta (27/09/2023).
Nia dehan, moras kulit mai husi infeksaun, husi bakteri no virus, maibe depende mos ba iha akontaminasaun sira liu husi bee, liu husi ijiene ema idak-idak nian.
“Kuandu ijiene ema nian mak ladun diak, entaun fasil daet ba ema seluk nomos ba ita nia aan rasik,” dehan nia.
Nia afirma, agora konaba prevensaun, presiza haris, bainhira haris karik, tenki haris ho sabaun, ropa neebe mak hatais presiza fase halo moos.
Bainhira hetan ona sintomas ba iha moras kulit, entaun tenki ba konsulta iha fasilidade saude sira.
(nat)
