Stok Ai-Moruk Disponivel Iha SAMES 81%

DILI, STLNEWS.co – Oras nee dadaun stok medikamentus neebe disponivel iha armajen sentral SAMES iha 81%, husi total 452 items medikamentu iha lista esensial nian, maibe item balun neebe nafatin laiha ho 19%.

Kestaun nee informa husi Diretor Ezecutivu Servisu Autonom Medikamentu no Ekipamemtu Saúde (SAMES), Santana Martins ba jornalista STL iha nia knar fatin, Kinta (01/06/2021).

“Dadus ikus mak ami asesu nee 81% husi total 452 items neebe mak ita iha, neebe ota nia stok ai-moruk sira nee kontinua sai, no kontinua tama, entaun persentajen stok sira nee bele aumenta loron bele mos menus,” hatete Santana.

Nia dehan, stok ai-moruk sira seluk nee presiza halo konfirmasaun ho servisu munisipal saude neebe mak halo jestaun iha nivel munisipiu. Ai-moruk sira nee produs iha rai liur, laos iha rai laran, tanba nee dala barak ai-moruk stock out.

Entretantu Xefe Sentru Saude Comoro (SSC), Abel dos Santos esplika, ai-moruk iha Sentru Saude Comoro sufisente, atu fo atendementu ba komunidade sira neebe hakarak mai halo tratamentu.

“Ita nia aimoruk sufisente atu atende ita nia pasiente, no atendementu mos lao hanesan bai-bain,” nia informa.

Nia afirma, konaba atendementu iha SSC nee aplika nafatin regras husi MS no OMS hatur ona, hanesan pasiente tama mai koridor SSC, tenke uza maskra, fase liman, no distansia sosial, tanba liu ida nee mak bele halo prevensaun ba Covid-19.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: