Stok Raan Tipu 2 Disponivel Iha HNGV

DILI, STLNEWS.co – Oras nee daudaun raan tipu rua hanesan tipu A ho O+ disponivel iha Banku de Sangue Hospital Nasional Guido Valadares (HNGV).

“Raan neebe mak agora daudaun stok disponivel nee iha tipu raan rua mak hanesan A ho O+, depois raan tipu B ho A mak agora daudaun ita menus hela, maibe ba loron ohin ita bele garantia katak, bele hetan raan barak, para bele mantein stok nee iha Banku de Sangue,” hatete Xefi Banku de Sangue HNGV, Claudio Julio Quintão ba jornalista iha HNGV, Segunda (29/01/2024).

Nia dehan, stok raan tipu A nee iha 27 pakote, husi numeru nee doasaun raan husi familia 20 no husi voluntariu nee iha nain 7, ida nee sei bele aguenta.

Nia hatete, depois iha tipu O nee iha 20 pakote, husi numeru nee pakote raan 15 husi pakote, no 5 husi voluntariu sira.

Nia haktuir, kada fulan ema neebe halo doasaun raan barak liu husi familia pasiente.

“Tanba kada fulan familia pasiente halo doasaun raan mak barak liu ho sira voluntariamente,” nia afirma.

Aleinde nee, Deputadu Bankada CNRT, Lucia Taeki hatutan, Banku de Sangue nee nia mos iha servisu barak, no nia mos hakarak hodi disponivel raan.

“Ita koalia konaba raan nee, tanba raan nee ita la hola, maibe ita ema mak iha konsiensia para bele fo nia raan, maibe raan nee importante tebes ba maluk sira neebe moras presiza raan,” haktuir nia.

(nat)

LEAVE A REPLY

Please enter your comment!
Please enter your name here