Suku Kaikoli Rejistu Ema Ho Moras Dengue Nain 2

DILI, STLNEWS.co – Iha semana kotuk, Suku Kaikoli, Postu Administrativu Vera Cruz, Munisipiu Dili, rejistu ema nain 2 neebe moras dengue no daudaun nee rekupera ona.

Linha kordenasaun Suku Kaikoli ho Ministeriu Saude (MS) lao kapas loos, no sira detekta ema nain 2 iha Suku Kaikoli hetan moras dengue, maibe rekupera ona.

“Ami Suku Kaikoli iha ema nian 2 moras dengue, maibe iha semana kotuk sira nain 2 rekupera hotu ona,” hatete Xefe Suku Kaikoli, Hipolito Marques Sarmento ba STL iha nia knaar fatin sede Suku Kaikoli, Segunda (21/01/2024).

Nia esplika, komunidade iha Suku Kaikoli mos hetan moras dengue, no konsege halo tratamentu neebe diak i rekuperadu ona.

Tanba deit moras dengue, Xefi Suku no Xefi Aldeia sira avizu ona katak komunidade tenki limpeza idak-idak nia uma oin, nunee halo prevensaun ba moras dengue.

Iha fatin hanesan, Komunidade Jilberto de Jesus informa, iha Suku Kaikoli limpeza sempre lao kada semana idak-idak, maibe iha ema nain 2 mak foin daudaun hetan moras dengue, maibe rekuperadu ona.

“Ita tauk moras dengue, tanba nee ami komunidade Suku Kaikoli sempre halo limpeza iha uma oin, nunee ami bele hadook aan husi moras dengue, tanba foin daudaun iha ema nain 2 mak pozitivu moras dengue, maibe ita haree rekuperadu ona, tanba hetan tratamentu diak husi saude,” nia afirma.

(jen)

LEAVE A REPLY

Please enter your comment!
Please enter your name here