Swab Obrigatoriu Fo Implikasaun Tauk Ba EHD

DILI, STLNEWS.co – Swab obrigatoriu sei fo implikasaun makas ba sidadaun sira, liu liu ba ema ho defisensia (EHD), husi tauk sei aumenta numeru saude mental. Kestaun nee hatoo husi Diretor Ezekutivu Asosiasaun Defisiente Timor Leste (ADTL) Cesário da Silva ba STL iha nia knaar fatin Mascarenhas, Sesta (07/05/2021).

Nia hatete, test swab nee parte pozitivu ida maibe sei fo implikasaun makas liu ba sidadaun sira, liu liu ba situasaun ida agora. Dadauk nee halo ema trauma ho situasaun sira hanesan nee, entau nia kontribuisaun ba sidadaun sira sente tauk.

“Sente tauk atu sai ba publiku hodi ba test ba kuarantena, entaun situasaun hanesan nee nia implikasaun boot ida mak sei kontribui ba ema nia psikolojiku, kontribui ba ita nia sidadaun sira liu liu mos ema ho defisensia. Situasaun nee dezafiu boot liu ba maluk defisiente sira, liu liu ema ho defisiensia, entaun sei kontribui saude mental ema nia tanba obrigatoriu halo tauk ema entau moras mental sei aumenta iha ita nia rai,” katak nia.

Diretor nee hatutan, regra nee governu presiza reve didiak ba swab test nee, se situasaun hanesan nee karik swab test pozitivu, kondisaun saida mak governu prepara.

Iha biban nee nia afirma liutan, bainhira bandu sidadaun sira atu sai, maibe governu mos presiza haree ema nia kondisaun nee oinsa, karik lasai se mak bele fornese hahan entau komunidade presiza sai nunee bele hetan hahan.

Tanba nee mak karik bandu atu labele sai iha uma deit governu presiza kria kondisaun ba komunidade sira, nunee bele ajuda komunidade sira mantein iha uma.

Antes nee, Primeiru Ministru Taur Matan Ruak hatete, nia parte swab ba dala haat ona, tanba nee nia husu ba sidadaun sira presiza koopera ho governu, se hakarak moris presiza sakrifika aan.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: