Tama Iha HNGV Presiza Screening, Alito: Evita Transmisaun Covid-19

DILI, STLNEWS.co – Husu ba komunidade sira hotu-hotu neebe wainhira hakarak halo tratamentu iha Hospital Nasional Guido Valadares (HNGV) tenke screening, atu nunee evita transmisaun virus nee ba ema seluk, liu-liu pasiente sira neebe baixa iha laran.

Tanba nee HNGV hanesan mos fasilidade saude iha Timor laran tomak, implementa Standard Operating Procedure (SOP) ou guia konaba atendementu ba pasiente sira durante pandemia Covid-19.

Kestaun nee hato’o Diretor Ezekutivu HNGV, Alito Sores, ba jornalista sira iha nia knaar fatin HNGV Tersa (24/08/2021).

“Ema hotu-hotu neebe mak mai HNGV, liu-liu pasiente sira nee presiza halo screening, screening nee para atu halo evita transmisaun makaas ba ita nia komunidade, liu-liu ba ami nia staf no ita nian pasiente sira neebe baixa iha HNGV,” nia esplika.

Ho razaun ida nee HNGV hola parte ba atendementu ida nee, implementa SOP ou guia neebe parseiru Organizasaun Mundial Saude (OMS) fo mai para atu responde ba Covid-19, relasaun atu evita transmisaun makas liu tan.

Nia tenik, pasiente sira neebe tama iha planu atu baixa, nee tenke halo testu swab ba sira, kuandu rezultadu mai maka dehan negativu nee baixa iha HNGV, kuandu rezultadu mai mak dehan pozitivu haruka ba izolamentu Vera Cruz, Tasi Tolu, ou Lahane.

“Ita haree ba kazu neebe tama ona ba stadium grave, kritis, moderadu, ita haruka ba Vera Cruz no izolamentu Lahane, inklui pasiente sira neebe iha semana kotuk lakon nia vida,” nia informa.

Iha fatin hanesan, Frederico da Silva, nudar vizitante, informa konaba atendementu triazen iha Sala Emerjensia HNGV nian oin nee sira lor-loron implementa konaba screening mak foin tama vizita familia neebe baixa iha HNGV.

“Molok ita atu tama ba HNGV laran, ita presiza screening mak foin tama ba vizita ita nia familia neebe baixa iha laran, ou ita lori familia mai mos tenke screening lai depois mak teste swab, mais ita baixa uluk no ita nia mediku sira atende ita, depois mak ita rona rezultadu teste swab nee, karik negativu ita nafatin baixa iha laran, mais pozitivu koloka ba Vera Cruz ou Lahane,” nia afirma.

Entretantu tuir dadus neebe STL rekolla iha HNGV husi triazen nia total HNGV fulan Junnu 6.962, nomos Jullu 7,231, tanba nee sura hamutuk fulan rua nian hamutuk 14.000 (14 mil).

Iha mos dadus husi poliklinik nian iha fulan Junnu iha 5.265, no Jullu nian iha 4.949, neebe fulan rua nee iha 10 mil resin, iha mos vizitante sira nian iha HNGV iha fulan rua nian laran nee hamutuk 350, nomos husi total swab neebe mak halo iha durante fulan rua Junnu ho Jullu iha 586.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: