Tasa Mortalidade Iha Tinan 2020 Aas Iha HNGV

Xefe Gabinete Kontrolu Kualidade no Komunikasaun Sosial, iha Hospital Nasional Guido Valdares (HNGV), Sara Maria Freitas Xavier. (Foto: STL/Jeniche da Costa)

DILI, STLNEWS.co – Iha Tinan 2020 hahu husi fulan Janeiru too mai Dezembru, pasiente neebe baixa hamutuk 22,674, husi total nee iha 21,687 mak alta no iha 987 mak mate, signifika tasa mortalidade Iha Hospital Nasional Guido Valadares (HNGV) aas.

Hatete Xefe Gabinete Kontrolu Kualidade no Komunikasaun Sosial, iha Hospital Nasional Guido Valdares (HNGV), Sara Maria Freitas Xavier ba jornalista sira, iha HNGV, Tersa (16/02/2021).

“Hau relata data estatistika iha HNGV husi 2020 nian total pasiente neebe baixa iha HNGV hamutuk 22,674, husi pasiente neebe baixa iha 21,687 mak Alta, nomos total pasiente neebe mak mate 987,” hatete nia.

Nia dehan, maibe reajente normal tasa husi Organizasaun Mundial Saude (OMS), nia 45/1,000, maibe husi HNGV ninia tasa Mortalidade netto ka bersih 24/1,000, nomos bruto ka kasar 43/1,000, nee hatudu katak tasa mortalidade iha HNGV sei aas.

“Ita nia aas, maibe OMS difini katak 45/1,000, maibe karik ida nee sei tolera, mais ninia signifika katak, ita presiza hadia diak liu tan ita ninia kualidade atendementu ba ita ninia pasiente sira, atu nunee ita bele redus rata mortalidade sira nee,” nia informa.

Maria esplika, dala ruma pasiente sira mai ho kondisaun nee grave teb-tebes, tanba nee mediku sira labele salva sira nia vida.

Hanesan ezemplu pasiente sira kazu kankru estadium neebe aas, entaun sira labele salva, depois kazu sira seluk neebe mai ho orgaun vital sira nee faila hotu, ida nee mediku sira labele salva pasiente nia vida.

Nia tenik, pasiente barak mai dala ruma mai moras neebe infeksaun sira, no moras kurasaun depois hipertensaun neebe aas, entaun labele salva ona, ida nee hotu kontribui ba tasa mortalidade.

Maibe ida nee HNGV esforsu tomak atu sai loron ba loron sei hadia nafatin ninia atendementu ba pasiente Sira.

“Espera katak ita labele hatun rasa mortalidade rasa ida nee iha HNGV,” nia esplika.

Enkuantu sira neebe mak mate menus husi 48 oras identifika katak, pasiente mai kondisaun neebe grave, entaun iha tempu badak labele salva, kuandu menus 48 oras nee 54%, signifika nia baixa loron 3 iha enfermazen depois mate.

Entertantu pasiente 22.674 neebe inklui ona departamentu 5, hanesan medikal interna, siruquia, pediatria, nomos materidade, maibe alende nee mos oras nee dadaun pasiente nebee konsulta liu husi ampolanti klinika mos iha. *

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here