Taur Kontente Tamba Xanana Simu Ona Vasina

DILI, STLNEWS.co – Primeiru Ministru Taur Matan Ruak kontente tanba lider nasional Kay Rala Xanana Gusmão simu ona vasina, ida nee hatudu ezemplu neebe diak ba sidadaun hotu.

Primeiru Ministru hatoo kestaun ba jornalista bainhira remata hasoru malu ho Prezidente Republika (PR) Francisco Guterres Lú Olo iha Palasiu Prezidente Bairru Pite, Kinta (24/06/2021).

“Hau kontente los, tanba nee fo ezemplu diak ba ita hotu, tuir buat hotu neebe mak avo Nana halo kontribui simu vasina hanesan Ministeriu Saude dehan, Ministeriu Saude nia moto “saude iha ita nia liman rasik”, tanba nee hau husu parabens no obrigado barak” hatete PM.

Xefe Governu hatutan relasiona ho lider nasional Kay Rala Xanana Gusmão neebe mak simu ona vasina nee hatudu ezemplu neebe mak diak, PM hatoo parabens no obrigado ba lider nasional nee.

Iha fatin ketak, Vice Koordenador Forsa Tarefa Prevensaun Surtu Covid-19 iha Timor-Leste (TL), Odete da Silva Viegas hatutan, Ministeriu Saude agradese ba lider karismatiku Xanana Gusmão, tanba bele hakbesik ona ba klinika Fatumeta hodi simu vasina.

“Ohin agradese ba ita-nia maun boot Xanana mos hakbesik tia ona an mai klínika Fatumeta dader deit hodi simu vasina” dehan Odete.

Nia mos hatutan, atitude husi lider nasional nee hatudu ezemplu neebe mak diak ba populasaun sira neebe mak too oras nee seidauk simu vasina, tanba nee mak husu komunidade sira nebee mak seidauk vasina bele hakbesik an ba postu vasina sira neebe mak iha hodi simu mos vasina.

“Avo Nana mai ho nia hakarak rasik maske liu ba ita mós buka hakbesik ba avo Nana atu bele mai vasina, maibe ohin mak nia sente tempu neebe oportunu ba nia no nia sente diak hakarak atu simu vasina ida nee, husi ami mos agradese hanesan lider iha nasaun ida nee mos partisipa iha vasina”, dehan nia.

Lider nasional Kay Rala Xanana Gusmão simu vasina Sinovac iha klinika Fatumeta, Kinta dader (24/06/2021) ba primeira doze e segundu doze sei simu fali iha loron 22 fulan Jullu kompleta semana haat.*

Reportajen: Emerenciana Pinto
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...