Tempu Udan SSF Nafatin Halo Promosaun

DILI, STLNEWS.co – Agora tempu udan, bele halo kazu dengue aumenta, tanba nee Sentru Saude Formoza (SSF) nafatin halo promosaun saude ba iha komunidade sira.

Xefi Sentru Saude Formoza, Jaime dos Reis informa, agora tempu udan kazu dengue bele sae. Tanba iha kazu dengue rua ka tolu mak rejistu ona iha Sentru Saude Formoza.

“Intervensaun neebe mak sentru saude halo nee, ami simu informasaun husi diretora servisu saude Munisipiu Dili katak, tenki halo promosaun saude ba iha komunidade sira, depois mak halo fomigasaun masal iha Munisipiu Dili,” katak nia.

Nia dehan, ida nee mak estratejia neebe halo, atu nunee halo prevensaun ba iha moras dengue nee rasik.

Konaba abate ho malathion nee sempre fahe ba iha komunidade sira, nomos promosaun saude nee sempre lao loron-loron.

Nunee mos Diretora Servisu Saude Munisipiu Dili, Agustinha Segurado informa, agora daudaun tempu udan, presiza tau atensaun.

Tanba udan monu rai nee, kazu dengue sei aumenta, neebe nafatin halo sosializasaun ba iha komunidade oinsa halo prevensaun ba kazu dengue nee.

(nat)

LEAVE A REPLY

Please enter your comment!
Please enter your name here