Tenke Kumpre Regras Covid-19

DILI, STLNEWS.co – Atu prevene surtu Covid-19 iha rai laran, ema hotu tenke kumpri regras neebe Organizasaun Mundial Saude fo sai ona, atu nunee moras nee labele hadaet ba ema seluk.

“Hakarak ka lakohi, ita hotu tenke kumpre regras ba pandemia surtu Covid-19, se ita la kumpri regras sira nee, oinsa ita atu hakotu moras ida nee, entaun hakarak ka lakohi ita hotu tenke kumpre, oinsa uza maskra, fase liman bebeik, inklui evita halibur malu, tanba ita nian atividades eskola no misa mos laiha, tanba ida nee atu evita ita halibur ema barak. Ami hanesan setor privadu nafatin kumpre regras, tanba moras ida nee laos akontese deit iha ita nia rai, maibe neeba mundu tomak infrenta moras ida nee desde iha tinan kotuk too mai ohin loron, maske ami hasoru dezafiu iha tempu defisil ida nee, maibe ami nafatin kumpre regras sira nee,” dehan Antonio Martins da Costa hanesan nain ba kompania Marhan Unip.Lda ba STL liu husi telefone, Tersa (18/05/2021).

Nia dehan, iha situasaun defisil ida nee, setor privadu nasional sira hasoru obstakulu boot, liu-liu konaba finanseiru, tanba atividades hotu paradu, too kompania balun taka no hapara ninia traballador, tanba laiha osan atu selu ema sira nee, depois rendimentu mos menus, maibe buat hotu paradu tanba moras Covid-19.

“Nuudar setor privadu, maske ami hasoru defikuldade, maibe ami mos prontu koopera nafatin ho parte ita nian governu no estadu, oinsa ema hotu iha konsiensia kumpre ba regras prevensaun ba moras ida nee, tanba ita haree kada loron numeru pozitivu ba covid kontinua aumenta ba bebeik, no balun lakon vida,” tenik nia.

Iha parte seluk, Julio Maia hanesan juventude Suku Bairru-Pite hatete, ho moras ida nee ema balun lakon servisu, maibe dadaun nee loja sira hahu loke, atu nunee traballador sira kontinua tama nafatin servisu hanesan bai-bain, maibe nafatin kumpre regras.*

Reportajen: Jacinta Sequeira/Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: