Teste Swab Obrigatoriu, Alternativu Diak Hodi Hatene Kondisaun

DILI, STLNEWS.co – Teste swab obrigatoriu ba sidadaun sira nee alternativu diak, oinsa mak bele hatene ema nia kondisaun, tanba swab mak bele hatene pozitivu ka lae. Kestaun nee hatoo husi fundador Rede Observasaun Nasional Eleisoens Timor Leste (RONETIL), Laurentinho Alves ba STL iha nia knaar fatin Kinta (13/05/2021).

“Teste swab sai hanesan dalan alternativu ida hodi halo teste ba sidadaun hotu hodi hatene kondisaun saude ema ida-idak nian, agora dadauk publiku hotu preokupa tebes ho asaun teste swab neebe halao husi profesional saude sira mak hamahon an iha Sentru Integradu Jestaun Krize,” dehan nia.

Tuir RONETIL nia pontu de vista swab nee hanesan meius importante ida hodi detekta transmisaun virus Sars-Cov-2 neebe hamosu moras Covid-19.

Maske antes nee jurista balun dehan swab obrigatoriu nee kontra direitu humanu, maibe tuir RONETIL nia katak test swab nee asaun neebe mak diak.

“Teste swab nee asaun teste neebe diak hodi hatene tuir sidadaun ida-idak nia kondisaun, pozitivu ka negativu. Tanba diak ita kumpre regras saude hodi proteje ita nia an husi transmisaun virus Sars-Cov-2 nee. Bainhira negativu ita sei livre hodi halo movementu tuir atividade mak ita halao, se bainhira pozitivu sei kumpre kuarentena no Izolamentu, maibe hetan akompanhamentu husi ekipa saude sira nian ba halo tratamentu.” dehan nia.

Importante tebes mak tenke kumpre regras Organizasaun Saude Mundial (OMS) no Ministeriu Saude nian, hodi hadook an husi transmisaun virus nee, regras hirak nee mak tenke uza maskra, distansia sosial entre ema ida ho ema seluk mais ou menus 1,5m – 2m, no fase liman ho sabaun bebeik.

Iha fatin seluk, jurista Avelino Coelho mos dehan swab nee diak, importante mak governu halo sosializasaun komunidade sira.

“Swab nee medidas teknikas neebe governu foti. Importante mak oinsa sosializa ba povu para povu bele entende objetivus. Importante liu mak medidas nee povu entende no simu forma rasional no voluntaria. Hau hanoin governu iha kondisoens atu bele esklarese medidas hotu-hotu nee foti ba sidadaun sira.” katak nia.*

Reportajen: Emerenciana Pinto
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: