DILI, STLNEWS.co – Timor Leste depois tinan 20 Independensia, maibe oras nee daudaun seidauk iha Mediku Espesialista Forensik iha Mortuariu Hospital Nasional Guido Valadares (HNGV), tanba servisu forensik iha rai laran 100% depende ba ema estranjeiru, liu-liu espesialista sira husi nasaun Cuba tanba seidauk iha espesialista nasional.
Kestaun nee hatoo husi Xefi Departamentu Forensik HNGV, Nilton Tilman ba jornalista sira iha sala Mortuariu HNGV Dili, Kuarta nee (27/04/2022).
“Ita nia problema, Timor depois tinan 20 independensia seidauk iha espesialista ba forensik nian, nee moe boot ida ba nasaun ida ne’e. Ita sei 100% depende ba espesialista husi liur, maluk sira husi brigada Cuba,” nia hateten.
Tanba realidade durante nee espesialista Cubanu nain rua mak halao servisu teknikamente no legalmente ho apoia husi asistente espesialista nasional ida no tekniku ausiliador forensik nain rua, entaun wainhira sira iha feriadu difikulta tebes servisu forensik nian.
Kontinua ba pajina 2
