TL Seidauk Iha Lei Regula Importasaun Ai-han Saudavel

DILI, STLNEWS.co – Xefe Departamentu Moras Lahadaet, Federico Vosco hatete, Timor-Leste seidauk iha lei atu regula importasaun ai-han saudavel, tanba moras hipertensaun aas, inklui ho moras sira seluk.

“Dezafiu neebe ita iha mak, lei atu regula hahan sira neebe mak mai husi rai liur tenke saudavel, nee seidauk iha. Hau fo ezemplu, hahan neebe ho nia konteúdu masin ho konteúdu midar, iha hahan neebe importa mai nee mais baratu liu,” dehan nia ba jornalista sira iha salaun Delta Nova, Kinta nee (30/09/2021).

Nia dehan, tuir lolos estadu tenke aplika arebes katak, hahan sira neebe barak liu, hanesan cocacola ou sprite no delos, neebe ninia konteúdu midar nee kuaze 26 ba leten, lolos ninia presu tenke makaas.

Maibe hahan sira neebe ho nia midar barak liu mak, sira faan ho presu baratu, entaun automatikamente ema tenke konsumu mak ida nee,  depois hahan sira neebe tau masin barak mos hanesan.

“Dezafiu mak, ita nia lei atu regula produtu importa mai rai laran, lei seidauk iha, nee bele implika moras neebe boot,” nia afirma.

Iha fatin seluk, Diretor Klinika Bairru Pite Inacio do Santos hatete, moras sira neebe barak liu halo tratamentu iha fatin nee mak, malnutrisaun ho TBC.

“Malnutrisaun nee mai husi ai-han neebe ita konsumu loron – loron, ita Timor dala barak lakohi konsumu ai-han lokal neebe iha, maibe ita hakarak konsumu liu ai-han neebe hatama husi rai liur mai,” dehan nia.

Nia hatutan, tanba hahan sira neebe hatama mai ho durasaun tempu neebe kleur, ho kimia neebe barak, entaun la saudavel ba ita nia isin.*

Reportajen: Domingas Soares/ Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...