TL Tama Nasaun Hamlaha

Timor Leste tama iha pozisaun segundu nasaun kategoria ameasa hamlaha iha mundu, tanba menus ai-han, mal-nutrisaun neebe boot no grave. (Foto: Global Hunger Index)

DILI, STLNEWS.co — Timor Leste tama iha pozisaun segundu nasaun kategoria ameasa hamlaha iha mundu, tanba menus ai-han, mal-nutrisaun neebe boot no grave.

Tuir relatoriu husi Global Hunger Index hatudu katak Timor Leste hola pozisaun segundu ameasa hamlaha iha mundu.

“Problema seguransa alimentar, mal nutrisaun nee problema boot no grave, tuir relatoriu Global Hunger index, Timor Leste hola pozisaun segundu iha mundu konaba ameasa hamlaha, tanba seguransa aihan nutrisaun nee problema ida neebe ita hotu tenke adopta, oinsa maka governu halo intervensaun makaas, atu garante seguransa aihan,” lia hirak nee hatoo husi Diretor Ezekutivu FONGTIL, Daniel Carmo dos Santos ba jornalista sira iha Salaun Paroquia Saun Jose Catedral Vila Verde, Sesta (16/10/2020).

Nia dehan, ONG sira servisu iha area oin-oin, auditorial sosial hanesan instrumentu ida atu ajuda oinsa maka komunikasaun ativu entre povu ho governante sira, liga mos ba setores sira neebe benefisia direita liga ho povu nia moris hanesan edukasaun, saude, no seluk tan.

Timor Leste katak Daniel tenke advoga no oinsa governu halo intervensaun makaas garante seguransa aihan ho nutrisaun diak.

Iha fatin hanesan Koordenador Gabinete Apoiu Sosiedade Sivil Primeiru Ministru, Filipe da Costa dehan, relatoriu Global Hunger index katak Timor Leste nasaun ida ameasa hamlaha segundu lugar iha mundu. Nee iha inkadores haat (4), ema neebe moris ho hamlaha mundial maka TL raise badak no seluk- seluk tan.

Timor Leste tama iha pursentu 36 nee mai husi Munisipiu 6 maka hanesan Munisipiu Bobonaro, Baucau, Dili, Ermera, Manufahi no Rejiaun Administrativu Espesial Oecusse Ambeno (RAEOA).

Haree ba retoriu hirak nee motiva Timoroan sira atu halo esforsu makaas tan, maske governu halo ona investimentu iha area nutrisaun desde primeiru governu konstitusional, TL mos iha parseiru barak neebe fo apoiu atu hakotu problrma menus aihan nutrisaun iha rai laran.

TL katak Filipe iha ajensia ONU barak iha nee, maibe problema ida sei boot, entaun desizaun neebe governu foti atu adere ba scaling up nutrition ka aumenta nutrisaun nee disizaun diak ida, alende servisu hamutuk ho ajensia sira iha rai laran no TL mos presiza hamutuk ho nasaun sira neebe sai ona membru ba scaling up nutrition hodi hatudu katak Timor Leste hakarak hamutuk ho nasaun sira seluk 61 neebe agora iha tiha ona atu servisu hamutuk fahe esperensia ba malu, fahe lisaun diak ba malu hakotu lalais problema nutrisaun iha mundu, liu-liu iha Timor Leste.

Nia konsidera membru governu no ajensia relevante sira halo planu neebe kapas los no diak, hahu ona sira nia planu ba orsamentu jeral do estadu, espera katak orsamentu nee liu tenke investe makaas iha area infra-estutura baziku no tenke makaas liu iha produsaun aihan hodi hanorin ema kona ba utilizasaun aihan no asegura aihan iha timor laran tomak.**

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here