Traballador Raut Foer Lauza Maskra

Traballador husi Kompania Nelces, raut foer lauza maskra no laiha lubas. (Foto: RRI)

DILI, STLNEWS.co – Traballador husi Kompania Nelces, raut foer lauza maskra no laiha lubas.

“Durante nee, ami raut foer, ami laiha lubas ho masker ba ami, maske agora mundu tomak hasoru hela moras pandemia covid-19, neebe afeta ba mundu tomak inklui Timor Leste maibe ami laiha lubas ho masker, hodi proteje aan bainhira halao servisu raut foer,” hatete Tomas Gonsalves ba STL iha Caikoli, Dili, Kinta (15/10/2020).

Nain ba kompania lafo maskra no lubas ba sira. “Agora mosu tan moras pandemia covid-19 nee maibe ami laiha masker ho lubas oinsa maka ami bele halo tuir regras neebe Ministeriu Saude ho OMS dehan katak tenki fase liman bebeik no uja masker maibe ami laiha masker ho lubas,” katak nia

Nunee mos bainhira ami raut tiha foer lori ba soe iha tibar maibe komunidade sira kontinua soe fali deit foer sira, maske governu iha ona regras dehan bainhira soe foer tenki soe tuir oras labele soe arbiru deit.

Loron ida mai raut foer dala tolu hodi ba fakar iha fatin lixu tibar nian.
Antes nee mos traballador Joao Soares hatete husu ba komunidade sira soe foer nee tau iha fatin lisu nian, labele soe naklekar iha dala ninin, tanba estadu kria ona fatin lixu, maibe fatin lixu balu maka seidauk iha, maibe komunidade sira tenki soe foer iha fatin lixu.

“Ami husu ba komunidade sira latau foer iha fatin lixu, maibe soe deit iha dalan klaran sira nee ladun diak, neebe tenki tau foer iha fatin para ita Dili laran bele mos,”dehan nia.

Reportajen: Natalia Lopes
Editor: Ekipa STL

LEAVE A REPLY

Please enter your comment!
Please enter your name here