Tuir Vasina, Universidade La Obriga

DILI, STLNEWS.co – Ohin dosentes no funsionariu husi Universidade da Paz (UNPAZ) tuir vasina, maibe parte universidade sei la obriga ninia dosentes, funsionariu, no estudante sira atu bele tuir vasina, tanba nee depende ba ema ida-idak nian konsiensia rasik.

Tuir Reitor UNPAZ, Adolmando Soares Amaral afirma, ohin iha UNPAZ dosentes, funsionariu, no estudantes neebe mak hakarak atu tuir vasina, nee sira bele mai iha universidade, para bele tuir vasina, tanba nee dadaun sira hahu prepara an, hodi bele tuir ona vasina iha universidade, maibe tuir vasina nee mos universidade la obriga ema atu tuir.

“Ami iha funsionariu no dosentes hamutuk porvolta quatu sentus e onze pesoas, maibe vasina nee universidade la obriga, tanba nee ema ida-idak mak tenke mai ho ema nian konsiensia rasik, tanba se mak hakarak vasina, entaun ohin UNPAZ konkorda ona ho Ministeriu Saude, para halo vasina iha UNPAZ. Hau hanoin universidade la obriga ema atu tuir vasina, tanba depois universidade obriga buat ruma akontese, nee sira bele akuza fali universidade,” dehan Adolmando ba STL iha UNPAZ Dili, Kuarta (09/06/2021).

Adolmando akresenta, husi universidade nian sei la obriga ninia dosentes, funsionariu tantu estudantes atu bele tuir vasina, maibe husu deit sira nian konsiensia rasik hodi bele tuir programa vasina ida nee.

Iha parte seluk, Julio Martins Nunes, hanesan estudante UNPAZ, Fakuldade Ekonomia semester 6 hatete, nia rasik ladun hetan informasaun konaba atu ba vasina iha universidade, maibe karik nia rona informasaun, nia prontu para atu tuir vasina, tanba ida nee bele aumenta ema nian imunidade hodi hasoru Covid-19.

“Hau ladun hetan informasaun ruma, karik ohin maluk balun fo hatene hau karik, hau prontu atu tuir vasina, tanba ita labele tauk, vasina nee ita nian maluk barak mak tuir ona, maibe hau buka meius ida para bele ba tuir deit iha klinika sira neebe mak besik, maibe iha universidade nee diak liu, tanba bele hamutuk ho dosente no maluk sira seluk neebe mak tuir ona vasina,” katak nia.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...

SEKoop Apoiu Komunidade Afetadu Inundasaun 253

DILI, STLNEWS.co - Governu liu husi Sekretariu Estadu Kooperativa (SEKoop), fo apoiu nesesidade bazika ba komunidade sira neebe maka hetan afetadu husi inundasaun iha...

Uma Kain 600 Kontinua Hela Iha Sentru Vokasaun

DILI, STLNEWS.co - Sekretariu Estadu Protesaun Sivil (SEPS), Joaquim Gusmão, informa relasiona ho inundasaun neebe akontese, too agora uma kain hamutuk atus neen (600)...
%d bloggers like this: