Vasina Doze Primeiru Iha Sentru Saude Quelicai Atinje 57%

BAUCAU, STLNEWS.co – Tuir tarjetu nasional Sentru Saude Quelicai, Munisipiu Baucau tenke atinje vasinasaun to’o numeru 10,410, maibe dadaun nee foin atinje deit 5,914 ba doze primeiru ho 57%.

Lia hirak nee hato’o husi mediku Sentru Saude Quelicai, hanesan mos Koodenador Programa Saude Nafamilia, Adelson Abelito Tadeu Freitas ba STL iha Quelicai, Sabadu nee (09/10/2021).

“Ami Sentru Saude Quelicai atinje ona husi tarjetu nasional 10,410, neebe iha ami foin atinje 5,914 sura ba 57% ona,” dehan Adelson.

Nia hatete, maske iha propaganda barak, maibe iha suku sanulu resik lima (15) ho nia aldeia lima nulu resin lima (55) iha Postu Administrativu Quelicai, Munisipiu Baucau nian, komunidade sira iha kolabora diak ho pesoal sira, hodi partisipa iha kampana vasinasaun iha suku no aldeia sira.

Nia haktuir, maibe iha ema ida rua mos, bainhira haree hetan pesoal saude halai lakon, tanba fiar liu propaganda neebe viral iha media sosial.

Antes nee, hetan ona orientasaun husi Ministeriu Saude, nunee lao tuir suku no aldeia fo vasinasaun ba komunidade sira, maibe nafatin seidauk prienxe numeru tarjetu neebe mak iha, hanesan pesoal saude kontinua esforsu an tama sai uma, hodi oferese vasina ba komunidade sira neebe mak seidauk simu vasinasaun.

Iha Sentru Saude Quelicai komunidade neebe mak simu ona vasinasaun doze primeiru total 5,914 ho pursentu 57, ba komunidade neebe mak seidauk simu vasina total hamutuk 4,496, no komunidade sira neebe mak simu ona vasina doze segundu hamutuk 2,225, ho 21 %, total simu vasina doze primeiru no segundu hamutuk 8,139 ho 78.184%.*

Reportajen: MJ-1

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...