Vasina Iha Baucau Atinje Ona 72%

BAUCAU, STLNEWS.co – Diretor Servisu Saude Munisipiu Baucau, Domingos Reinaldo da Costa Guterres informa, progresu vasinasaun iha munisipiu nee hahu husi inisiu to’o ohin loron atinje ona hitu nulu resin rua porsentu (72%).

“Progresu vasinasaun iha Munisipiu Baucau hahu husi inisiu mai to’o ohin loron ita atinje ona hitu nulu resin rua porsentu 72% nee hahu husi inisiu,” dehan nia ba jornalista sira iha nia knaar fatin Ria Mari, Baucau, Segunda nee (06/09/2021).

Nia hatutan, populasaun iha Munisipiu Baucau neebe mak foin simu primeiru doze 51%, husi 51% tuir numeru alvu loloos 73.317.

Nunee mos kampana vasinasaun neebe pesoal saude sira realiza durante loron sanulu (10) maske remata ona, maibe sei kontinua tan ba iha vasinasaun rutina.

“Maske kampana nee nia loron limitadu ba deit loron sanulu, maibe rutina to’o ohin loron ita lao nafatin,” nia tenik.

Vasinasaun rutina neebe mak dadaun nee lao nafatin iha Munisipiu Baucau, servisu saude iha fatin nee kontinua halo kordenasaun ho Xefe Suku sira atu buka tuir komunidade neebe mak hela iha aldeia seidauk hola parte iha vasina, liu husi Xefe Suku sira bele dezemina informasaun konaba vasina nian atu komunidade sira bele hola parte iha vasina nee.

Diretor nee hatete, kordenasaun ho Xefe Suku sira atu nunee fo hatene ba komunidade sira hein iha fatin ida mak kontaktu ho pesoal saude, nunee fasil ba pesoal saude sira hodi oferese vasina.

Tuir diretor saude nee nia haree, munisipiu refere iha komunidade balun mak komesa ona komprende konaba vasinasaun hodi ba rasik sentru saude sira neebe mak lansa vasina ba.

Iha biban nee nia husu ba sidadaun neebe mak hetan sintomas Covid-19 nian voluntariamente halo tratamentu, atu nunee bele identifika pozitivu ba Covid-19 karik bele izola an, no bele izola iha fatin neebe mak governu prepara ona atu labele afeita ba ema seluk, tanba Munisipiu Baucau dadaun nee iha hela transmisaun komunitaria nia laran.

Iha fatin seluk, Xefe Suku Samalari, Rui Sertori Magno Siquerra mos hatete, normalmente vasinasaun iha Suku Samalari lao tuir programa Ministeriu Saude (MS) nian to’o ona iha povu nia le’et, tanba koloka deit iha sentru saude komunidade sira la partisipa iha vasina nee rasik, maibe ho politika ida lao tama sai uma hodi fo vasina ba komunidade sira husi Suku Samalari atinje ona ualu nulu porsentu (80%).

“Komunidade hamutuk 3.183 pessoas, idade 60 atus rua resin remata ona vasina,” tenik nia.

Partisipa vasina iha Suku Samalari idade husi 18 to’o 59 voluntariamente simu vasina doze primeiru no doze segundu, husi doze primeiru nafatin lao, maibe iha mos komunidade barak mak simu ona doze segundu.

Xefe Suku nee nafatin husu ba pesoal saude sira labele tuur deit iha fatin sentru saude, maibe kontinua trasa planu neebe mak iha ona to’o iha aldeia sira, nunee komumidade sira bele partisipa diak iha vasinasaun nee.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: