Vasina Iha Baucau Hahu Sae Ba 65%

BAUCAU, STLNEWS.co – Taxa partisipasaun vasina iha Munisipiu Baucau enjeralmente doze primeiru no segundu hahu sae ona ba 65%.

Lia hirak nee hato’o husi Diretor Servisu Saude Baucau, Domingos Reinaldo Guterres ba jornalista iha nia knaar fatin Riamare, Segunda nee (11/10/2021).

Nia hatete, hahu husi fulan Abril too fulan Outobru tinan nee, partisipasaun populasaun hamutuk rihun haat nolu resin hitu, atus hitu, sanulu resin sia neebe simu ona vasina Covid-19 iha Munisipiu Baucau, hatudu taxa partisipasaun populasaun vasina Covid-19 sae ba 65%.

“Taxa partisipasaun hahu sae oituan ona, hahu iha kampana primeira ronde no segundu ronde, enjeralmente Baucau ita atinje ona 65% nee husi anivel munisipiu nian,” dehan nia.

Nia hatutan, albu husi nasional 73.317 neebe mak iha, ba primeira doze ema neebe mak simu ona vasina hamutuk 47,719 ho 65%, tanba iha koperasaun husi Vise Ministeriu Estatal, Vise  Ministru Obras Publikas, Ministru Petroleo no Minerais, inklui Ministru Turismu Komersiu no Industria halo vizita ba postu adminitrativu sira, hodi halo kampaña ba populasaun sira atu simu vasina Covid-19.

Husi numeru 25,598 neebe mak seidauk simu vasina nee, hanesan inan aman sira neebe mak iha moras, nomos maluk defisiente sira neebe mak labele lao, liu-liu iha area remotas sira.

Nia hatete, komunidade sira neebe mak kontinua lakohi kopera ho pesoal saude sira atu simu vasina, tanba kauza husi organizasaun sira balun neebe mak iha.

Populasaun iha Munisipiu Baucau neebe mak simu ona vasina hamutuk 47,719.*

Reportajen: MJ-1

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...