Vasina Kompletu Bele Proteje Ona Covid-19

DILI, STLNEWS.co – Relasiona ho deklarasaun husi Primeiru Ministru katak, se bainhira simu vasina kompletu bele lao livre ona. Tanba vasina kompletu, nee iha ona salvasaun hodi proteje an husi Covid-19.

Kestaun nee haktuir husi Xefe Departamentu Kontrolo Kualidade e Fokal Point, Supervisor Pilar-6, Evaresto Soares ba STL liu husi telefone, Sabado (29/05/2021).

“Deklarasaun husi Sua-exelencia PM konaba sidadaun neebe simu ona vasina kompletu bele halao sirkulasaun livre, tanba see ema ida simu vasina nee katak, ema nee iha salvasaun hodi proteje nia-an, nia familia e komunidade ou nia imunidade forti ona hodi hasoru inimigu mai husi liur no laiha impaktu,” dehan nia.

Evaresto hatete, se bainhira ema simu vasina kompletu ona, entaun imunidade makas ona hodi luta kontra moras surtu nee.

“Bainhira ita simu ona vasina kompletu halo kontaktu ho ema seluk laiha problema ba ita nia an tanba seguru e virus neebe iha ita nia isin fraku ona labele dezenvolve nia-an iha ita nia isin katak labele dupla ou menggandakan diri, labele sirkula liu ran ba ita nia isin lolon tomak,” dehan nia.

Nia hatutan, maibe bainhira ema neebe mak simu vasina iha kontaktu ho ema seluk neebe seidauk simu vasina, liu husi isin lolon, kaben, fani, ka mear virus bele dezenvolve nia-an tanba ema nee imunidade fraku hela katak ema nee bele kona virus.

Antes nee iha loron Sesta, Primeiru Ministru (PM), Taur Matan Ruak katak, sidadaun neebe simu ona vasina ba dala rua, bele halo movimentu iha teritoriu, la presiza teste swab.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...
%d bloggers like this: