Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras todan kauza husi Covid-19.

Governu Timor Leste deside ho deit vasina Pfizer nee ba labarik sira ho idade tinan 12 to’o 17 deit, sei la fo ba ema ho idade tinan 18 ba leten.

Nia dehan, tuir siensista sira katak, vasina neebe mak ita prepara hela, liu – liu vasina Pfizer neebe maka atu fo labarik sira ho tinan 12 to’o 17 nee ninian efikasia diak, ho 95% maka bele proteze husi Covid -19, nunee mos ho moras neebe maka sintomatiku ho tinan 16 ba leten, ho efikasi 100% ba tinan 12 to’o 15.

“Labarik sira presiza simu vasina Covid-19 Pfizer nee, tanba vasina nee importante tebes atu prevene sira husi moras todan hanesan, hospitalidade, mate neebe kauza husi Covid-19, nomos bele prevene transmisaun husi populasaun, hodi hamenus posibilidade variante foun neebe maka karik sei mosu ma, i nomos variante ida nee iha ona ita nia rai no ataka mos labarik kiikoan sira,” lia hirak nee Ministra Odete Maria Belo hatoo liu husi diskursu iha Ekola 30 de Agostu Comoro, Kuarta nee (27/10/2021).

Nia katak, Ministeriu Saude nia naran hakarak apelu ba alunus, profesores sira inklui mos familia ka inan aman sira. Ho sira neebe maka iha oan idade entre 12 to’o 17 atu suporta kampana vasinasaun neebe maka halao ohin. Ho importante ida nee hamenus risku inkuvasaun iha ita nia rai doben Timor Leste.

Iha fatin hanesan, Ministru Edukasaun, Juventude no Desportu Armindo Maia dehan, vasina nee importante tebes ba labarik sira.

“Ho nunee hau husu ba inan aman sira no preofesor sira konvense oan sira para bele simu vasina, tanba vasina nee importante tebes ba labarik sira ho idade tinan 12 to’o tinan 17,” katak nia.

Ho vasinasaun nee bele proteje labarik sira husi Covid-19, hodi aumenta labarik sira nia imunidade hodi kontra Covid-19 iha TL.

Aleinde nee mos inan husi estudantes Domingas da Dores haktuir, ohin nia mai akompana oan sira mai tuir vasina.

“Vasina nee oan sira hakarak rasik maka tuir vasina, tanba Ministeriu Saude ba halo sosializasaun ba inan aman sira inklui mos oan sira, entaun sira komprende konaba vasina nee rasik,” tenik nia.*

(Nat/Don)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...