WVTL Apoiu Sasan Ijene Ba SIJK Baucau

BAUCAU, STLNEWS.co – World Vision Timor Leste (WVTL) Baucau, apoiu sasan ijene ba Sentru Integradu Jestaun Krize (SIJK) Baucau hodi fasilita pasiente Covid-19 iha sala izolamentu Munisipiu Baucau.

Informasaun nee hatoo husi Jerente World Vision Programa Area Baucau, Junilda Maria Vilanova ba jornalista sira iha nia knaar fatin Tirilolo, Kuarta (26/05/202).

Junilda hateten, apoiu fo ba SIJK bazeia ba pedidu husi Sentru Integradu Jestaun Krize ba pakote ijene mak hanesan sabaun, rinso, popok ba labarik no softex ba inan feto sira.

Pakote hirak nee World Vision ajuda pasiente sira, nunee pasiente sira iha izolamentu sente hanesan iha uma rasik.

Junilda afirma, sasan ijene hirak nee hetan suporta husi Australia Human Partnership ba World Vision, hodi kontinua apoiu ba SIJK iha estadu emerjensia no serka sanitariu.

“World Vision konsege suporta item balun mesmu la barak mais ida nee item neebe mak World Vision suporta nee relevante ba pedidu neebe hatoo husi SIJK, iha neeba World Vision suporta pakote ijene hanesan sabaun depois rinso, popok ba iha labarik sira neebe mak karik mai hamutuk ho sira nia inan aman, depois suporta mos softex ba ita nia feto maluk sira neebe mak detekta ho Covid-19 pozitivu iha sala izolamentu, kada item neebe mak hau temi nee kaixa sia (9) hotu, rinso kaixa sia, sabaun kaixa sia, no popok ba labarik sira mos kaixa sia,” dehan nia.

Iha fatin seluk Koordenador Tekniku Sentru Integradu Jestaun Krize Munisipiu Baucau, Salesiano Pinto Fernandes hateten, apoiu sasan ijene bazeia ba pedidu neebe haruka ba ONG hotu no Ministeriu Saude relasiona numeru kazu pozitivu aumenta iha fulan kotuk obriga SIJK tenke hatoo pedidu hodi husu apoiu ba doador sira hodi fasilita labarik no inan sira iha sala izolamentu sira.

“Ida nee hetan apoiu husi World Vision iha fulan kotuk liu ba pasiente neebe sae makaas, inklui labarik kiik oan no inan feton sira neebe sira nia nesesidade personal, ida nee mak ami halo pedidu ba Ministeriu Saude ho NGO sira,” dehan Salesiano.

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: