DILI, STLNEWS.co – Zamancartel Berhad Group of Companies apoiu medikamentus ba Ministeriu Saude (MS), atu fo atendimentu ba komunidade Timor-Leste (TL) nian saude.
“Ami agradese ba kompanhia Zamancartel Berhad Group neebe apoiu ona medikamentu ba ita, no hein katak ita iha kolaborasaun neebe diak liu tan, nunee bele hadia povu nian moris,” hatete Visi Ministru Saude (MS), Bonifacio Maucoli dos Reis liu husi nia diskursu iha salaun MS, Sabadu nee (18/03/2023).
Visi Ministru Saude dehan, Zamancartel Berhad Group of Companies iha fatin ida nee atu entrega medikamentu ba Govenru Timor-Leste, partikularmentu ba Ministeriu Saude nudar insutituisaun govenru nian ba implemetasaun no asegura politika tomak iha Timor-Leste (TL).
“Ami orgulhu tebes simu medikamentus neebe fornese husi kompanhia Zamancartel Berhad Group, imi nia apoiu nudar sentidu solidaridade atu haforsa no melhora ami nia sistema nasional ho objetivu atu hadia komunidade Timor-Leste nian saude no moris diak iha nivel nasional, munisipal, postu adiministrativu, suku no aldeias, ba komunidade no familia idak-idak,” nia hatete.
Governante nee informa, Ministeriu Saude tau iha konsiderasaun no rekonhese katak, kooperasaun hamutuk ho parseiru dezenvolvimentu importante tebes atu alkansa vizaun no misaun ba meta, neebe difini tiha ona iha planu estratéjiku dezenvolvimentu nasinonal iha setor saude 2011 too 2030.
Nia esplika, prezensa husi kompanhia Zamancartel Berhad Group nudar kompanhia neebe halo doasaun voluntaria ba medikamentu, hanesan nesesidade nutrisaun labarik sira nian, nomos ho doasaun ba solar street nian,” nia dehan.
Ami mos haree katak, kompanhia Zamancartel Berhad Group iha ona inisiativa atu investe iha planu supermi ka makaraun, nee signifika katak, iha futuru sira kolokasaun besik ho MS liga ba setor saude,” nia deklara.
Nia infroma, kompanhia Zamancartel Berhad Group entrega medikamentu ba Ministeriu Saude, Ministeriu Saude sei entrega ba armajen SAMES hodi distribui nesesidade pedidu husi Sentru Saude no Hospaital Referal inklui iha Timor Laran tomak .
Iha fatin hanesan, Diretora Ezekutivu Zamancartel Berhad Group of Companies , Intan Safinar M, Safri esplika, objetivu atu apoiu aimoruk ensensial ho 200 item ba Minsiteriu Saude, hodi atende povu Timor-Leste nian saude.
“Ita nia objetivu iha Ministeriu Saude atu hen over konaba aimoruk 200 item neebe ita entrega ba Govenru Timor-Leste,” nia deklara.
Nia dehan, Govenru Indonezia sei entrega aimoruk 50 item, depois tuir fali mai 50 item, neebe sei entrega ba Ministeriu Saude atu fo ba pasiente Timor-Leste neebe persiza.
Nia hatutan, ba aimoruk sidadaun Timor bele kura sira nia moras, tanba aimoruk neebe sei fo nee ensensial, tanba ida nee aimoruk neebe presiza tebes iha nasaun ida nee.
Aimoruk esensial ida nee ita prsiza loron-loron, aimoruk pinqiler, nomos aimoruk neebe sempre uza iha hospital no sentru saude sira, hanesan paracetamol, amoxicillin no seluk tan, neebe uza ba moras kurasaun nomos bele hapara pendarahan, depois aimoruk nee uza iha emerjensia laran,” nia koalia.
Nia informa, sira mos sei prepara aimoruk vitamin ba labarik sira nian, atu nunee sira hemu no bele saudavel no matenek.
“Ita hamutuk ho WHO, aimoruk sira nee ita foti iha India, eropa no ita produs ba TL,” nia afirma.
(jen)
