DILI, STLNEWS.co – 20 Agostu loron neebe importante tebes ba Timor Leste, tanba loron nee movimentu popular povu ho espontaneamente hamriik ho kilat hasoru kolonialista.
Lia hirak nee hatoo husi Visi Xefi Estadu Maior Jeral FALINTIL – Forsa Defeza Timor Leste (F-FDTL), Calisto Santos Coliati ba jornalista sira, bainhira remata hasoru malu ho Prezidente Republika Jose Ramos Horta iha Palasiu Prezidente Bairo Pite, Segunda (31/07/2023).
“Ita koalia konaba 20 Agostu nee, movimentu popular, katak movimentu ida nee povu espontaneamente hamriik foti kilat hamriik hodi funu hasoru kolonialista sira, neebe labele hatete katak ida nee loron FALINTIL nian,” dehan Visi Xefi Estadu F-FDTL.
Nia hatete, 20 Agostu nee laos loron FALINTIL Forsa Defeza Timor Leste nia, tanba FALINTIL nia loron mak 2 Fevereiru.
(eme)
