Deskonfia Hadau Doben, PSIK 1 Baku Membru PNTL 1

DILI, STLNEWS.co – Deskonfia membru joven mane 1 hadau oknum Polisia Sientifika Investigasaun Kriminal (PSIK) ida nia doben, membru Polisia Nasional Timor Leste (PNTL) nain 1 hetan kanek, tanba membru nee nudar autoridade seguransa servisu sekreta, neebe halo hela knaar vizilansia no tenta halo aprosimasaun.

Kazu nee akontese ohin madrugada iha oras tuku 5:00, iha areadores Hotel HK neebe lokaliza iha area Hudi Laran, Suku Bairo Pite, Postu-Administrativu Dom Aleixo, Munisipiu Dili.

Kazu nee inisia husi diskuti malu, entre oknum PSIK ida ho inisial JK, hasoru joven ida ho inisial F, tanba JK deskunfia F hadau nia doben.

“Husi haksesuk malu nee, vitima JL nudar autoridade seguransa servisu sekreta, neebe halo hela knaar vizilansia, tenta halo aprosimasaun hodi hateten, imi mak joven nudar jerasaun diak ba futuru, karik problema ruma imi koalia ba malu deit,” informasaun nee STL asesu husi Media Officer Ministeriu Interior (MI), Kinta nee (08/05/2023).

Bainhira rona tiha liafuan nee, oknum PSIK ho insial JK senti ofende, derepente hakat mai tuku iha vitima nia hasan sorin, rezulta hasan karuk bubu no ibun kanek.

Enkuantu, oras nee daudaun vitima JL sei ba halo tratamentu saude iha sentru saude Vera-Cruz, no sei kontinua halo keixa hasoru oknum PSIK ba Eskuadra PNTL Comoro, hodi kontinua prosesu kriminal.

Entretantu, oknum PSIK refere, antes nee komete kazu hanesan hasoru membru SIPN iha area Kuluhun, sidadaun Indonezia feto ida iha Bairo-Pite, no agora daudaun mos halo tan agresaun fizika ba vitima JL nudar membru PNTL neebe halo hela servisu iha terenu.

(efi)

LEAVE A REPLY

Please enter your comment!
Please enter your name here