DILI, STLNEWS.co – Prezidente Komisaun B trata asuntu Defeza no Seguransa, Negosiu Estranjeiru iha Parlamentu Nasional, Deputadu Domingos Agostu Deker afirma, FALINTIN nudar liman kroat povu, neebe hahu sira nia knaar iha loron 20 fulan Agostu 1975, hodi liberta povu husi kiak no mukit nia laran.
Prezidente Komisaun B, Deputadu Domingos Agostu “Deker” dehan, aproveita selebrasaun loron FALINTIL loron istoriku neebe TL labele haluhan.
“Ohin ita koalia konaba TL independente nee tanba FALINTIL Forsa Armadas Libertasaun Nasional TL, nudar liman kroat povu nian hahu sira nia knaar iha loron 20 fulan Agostu 1975, hodi buka atu liberta ita nia rain sai nasaun, no ita nia povu husi susar no terus no husi kiak no mukit, no husi opormisaun estrageria nian,” hatete nia ba STL, Domingu (20/08/2023).
Nia tenik, entaun ho biban ida nee nudar reprezentante povu iha uma fukun PN, atu hatoo mesajen Timor ona hotu katak, atu konsiente no kaer metin papel no sakrifisiu Falintil nudar fundamentu ida atu banati tuir.
Nia sublina, nunee kuda espiritu nasionalimu patrotismu iha ema idak-idak nia fuan liu liu, jerensaun foun sira atu konsiente no buka hatene no halo tuir papel FALINTIL nian, atu sai sidadaun neebe diak hodi bele subtitui responsabilidade nasaun no povu ida nee iha futuru.
(dom)
