Falur Partisipa Konferensia CHOD Iha Australia

DILI, STLNEWS.co – Xefi Estadu Maior Jeneral FALINTIL – Forsa Defeza Timor-Leste (F-FDTL), Tenente Jeneral, Falur Rate Laek, partisipa iha konferensia nivel Xefi Estadu Maior Jeneral nian, husi INDO-PACIFIC neebe hanaran Chiefs Of Defense Conference (CHOD) 2022 nian iha nasaun Australia.

Enkuantu, enkontru nee kada tinan sempre halao no tinan ida nee nasaun Australia mak sai nudar uma nain ba eventu refere.

Iha intervista, Tenente Jeneral Falur Rate Laek hatete, enkontru nee bolu naran Chiefs Of Defense Conference (CHOD), nee enkontru entre a nivel Xefi Estadu Maior Jeneral sira husi INDO-PASIFICO ninian, partisipa iha konferensia nee hamutuk nasaun 29.

“Hau rona no entende sira nia aprezentasaun hotu-hotu, loron ikus mak hau halo hau nia intervensaun ba dala ikus, hau fo hau nia kontribuisaun makaas liu mak funu iha Ukrania impaktu ba iha Timor-Leste, neebe hau haree iha pontu rua, ida impaktu politiku no ida seluk impaktu sosial, dehan Tenente Jeneral Falur Rate Laek liu husi komunikadu imprensa neebe STL asesu husi media relasaun publika F-FDTL, Kinta (28/07/2022).

Xefi Estadu nee hatete, afirmasaun halo parte ba pas, tanba funu lakoi ona ida nee, mak ohin nia aprezenta iha neeba, no nia komitmentu para apoiu inisiativa hotu-hotu no amigu, parseiru ho vizinhu sira neebe hakarak servisu ba pas no bem star humanidade nian, ida nee mak ema hotu nia hakarak.

Nia hatutan, konaba enkontru bilateral nee iha kuadru neebe orienta, nia parte mos fo hanoin liu-liu ba Australia atu kontinua deit pontu referensia neebe iha, enkontru Defense Coorporation Program (DCP Tallk’s) hanesan mos ho Nova Zelândia. Xefi Estadu Maior Jeneral mos konfirma, Panglima Tentara Nasional Indonesia (TNI), Jeneral, Andika Perkasa no Xefi Estadu Maior Jeneral Forsas Armadas Australia, Jeneral, Angus J. Campbell, sei partisipa iha loron serimonia Aniversario FALINTIL nian bada 47, neebe sei selebra iha loron 20 fulan Agostu tinan 2022.

(efi)

LEAVE A REPLY

Please enter your comment!
Please enter your name here

NEWS UPDATE

Semana Oin Ekipa Konjunta Sei Buska Kompanhia Neebe Seidauk Selu Arendamentu

DILI, STLNEWS.co - Ministru Justisa, Tiago Amaral Sarmento hatete, iha semana oin ekipa konjunta sei halo buska ba kompanhia sira neebe seidauk selu arendamentu...

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru Hun, Juvenal da Conceição hatete, nia parte kontenti ba efidisiu foun sede nian neebé inagura ona, maibe fasilidade...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...