Familia Matebian Fernando Husu Pesoal Saude Halo Atendimentu Pasiente Ho Diak

DILI, STLNEWS.co – Familia matebian Fernando Filomino Saldanha hanesan membru Polisia Nasional Timor-Leste (PNTL), husu Ministeriu Saude atu toma atensaun ba pesoal saude sira, tenki atendimentu pasiente ho diak.

Tuir onn husi matebian, Jeronimo Vitorino Saldanha katak, nia akompanha sira nia aman moras sira lori ba Sentru Saude Kampun Baru, maibe laiha atendimentu neebe diak, tanba nee hakarak fo hanoin ba lideransa saude nian atu tau atensaun ba pesoal saude sira.

“Ami lori pai ba iha Sentru Saude Kampun Baru, ladun iha atendimentu diak, maibe tanba haree ba kondisaun pai nian, sira halo karta rujuk ba iha Hospital Nasional Guido Valadares (HNGV), too iha neeba mak foin hetan atendimentu, no iha neeba detekta katak pai moras fuan, maski sira tenta atu salva pai nia vida maibe labele”, hatete oan husi matebian, Jeronimo Vitorino Saldanha ba STL iha Semiteriu Bekusi, bainhira halao serimonia funebre, Segunda (12/02/2024).

Nia dehan, buat hotu planu Maromak nian, maibe nudar sidadaun husu ba Miniteriu Saude atu haree pesoal saude sira halo atendimentu ba pasiente sira ho diak, nudar familia natebian la satisfas ho atitude pesoal saude sira nian.

Nia haktuir, antes nee matebian moras Diabetes ho TBC, halo tratamentu diak, maibe ikus mai moras sae fali ba moras fuan, nunee halo matebian ba too iha hospital no iis kotu.

Durante nee pai ativu hela servisu, iha VIII Governu sira hapara tiha, tanba idade reformadu, maibe iha politika IX Governu nian bolu hikas fali sira ba halao fali servisu, antes nee nia servisu iha parte lojistika, depois iha VIII Governu hapara tiha, no IX Governu bolu fali, pai ba ativu fali iha akademik.

Entretantu matebian mate husik hela feto faluk ho oan kiak nain 16, no matebian hakotu nia jornada moris iha Sabadu, dia 10 Fevereiru 2024.

(gui)

LEAVE A REPLY

Please enter your comment!
Please enter your name here