DILI, STLNEWS.co – Governu konkorda ona atu halo rekruta ba membru Polisia Nasional Timor-Leste (PNTL) nain 500, hodi responde ba nesesidade instituisaun hanesan ba Ajente no Kadtis Ofisial PNTL nian.
Lia hirak nee hatoo husi Ministu Interior (MI), Francisco da Costa Guterres ba jornalista sira, hafoin partisipa worshop ba revizaun kurikulu no rekrutamentu insititusaun PNTL, neebe halao iha Sentru Formasaun Polisia, Komoro, Dili, Kinta (28/09/2023).
Nia dehan, Ministru Interior no Komando Jeral halo ona diskusaun konaba ketaun rekrutamentu ba membru PNTL foun, ho nunee Komando Jeral rekomenda ba ministeriu katak, governu presiza halo rekrutamentu iha tinan oin. Tanba nee, governu aseita ida nee.
“Iha tinan 2024 ita sei iha rekrutamentu rua, ida ba ajente, ida seluk ba rekrutamentu ita nia Kadetis Ofisial sira. Hau koalia ona ho Komandante Jeral PNTL no Komando rekomenda ona katak, total kadetis membru PTNTL neebe ita atu rekruta nee mak hamutuk 500,” hatete Francisco.
Governante nee esplika, razaun governu halo rekrutamentu ba Kadetis Ofisial sira, tanba haree ba nesesidade instituisaun nian, tanba bazeia ba iha rejime promosaun kareira PNTL nian husi estatutu no lei organika PNTL nian, promosaun ba iha membru PNTL ida husi postu ajente mai too Inspetor Xefi, normalmente nee tinan 30 no husi inspetor ba Superintende Xefi normalmente nee presiza tinan 8 ka bele too tinan 15.
Nia informa, agora daudaun membru PNTL barak mak iha Asistente Superintendente atu too kareira promosaun Superintendente Xefi presiza tempu, tanba ofisial balun agora nee iha ona idade 40 ou 45, molok promove ba Superintendente Xefi nia pasa ona ba idade reforma, entaun instituisaun enfreta krizi lideransa.
“Ita iha krizi lideransa iha institusaun PNTL nian liu-liu membru PNTL ne’ebé ho deviza Superintendente Xefi, tanba ne’e iha tinan oin ita halo rekrutamentu rua, ida ba ajente no ida ba ofisial sira para ita rezolve krizi lideransa nee rasik,” nia deklara.
(jen)
